ئاڵەکۆک

عەبدوڵڵا پەشێو add_a_photo
شەوێک جەستەی ئافرەتێکم بە ماچ داچاند:
دەشتی ئەنی،
نەرمانی مەچەک و بەلەک،
لەپی کەژۆک،
دەوراندەوری بەراوی لێو،
گرد و نواڵەی سنگ و بەرۆک،
خەت خەت وەردی هەر بیست پەنجە،
قوڵگە و زوورگی ڕەفیسک و چۆک...
***
نیوەشەوێک لەم شەوانە
بۆ قاڵچیەک شیعرێکی نوێ تەونم دانا،
کە دڵیژگەم ئۆخژنی هات،
کە تەواوبووم لە چنینی،
سەرم سوڕما،
لەسەر کاغەز ماچ شین ببوون،
نەخشینترین ڕەز و باخی دنیام بینی!
٢٠١٣/١١/٩-هێلسنکی
لاپەڕەی ٢١٠,٢١١
نووسین: خالید قادری

پەراوێز edit