تا لێک جودا نەبووینەوە
نەمدەزانی
دڵگیرترین یاسەمینجاڕ
جێی لە نواڵەی١ ناولەپێکدا دەبێتەوە.
نەمدەزانی
نیگا هەیە چوار وەرزی ساڵ
رەنگ بۆ هەور و دارستانان دەگرێتەوە.
تا لێک جودا نەبووینەوە
نەمدەزانی:
لەودیو شوورەی بێدەنگیتا
شکۆدار بووی چەشنی دەفەی سینگی چیا،
بێپەیتر بووی لە مێژووی خەم
سادەتربووی لە لاسکە گیا..
نەمدەزانی:
من ئادەمی ناو بەهەشت بووم
لەگەڵ یەکەم ژنی دنیا!
نەمدەزانی
دڵگیرترین یاسەمینجاڕ
جێی لە نواڵەی١ ناولەپێکدا دەبێتەوە.
نەمدەزانی
نیگا هەیە چوار وەرزی ساڵ
رەنگ بۆ هەور و دارستانان دەگرێتەوە.
تا لێک جودا نەبووینەوە
نەمدەزانی:
لەودیو شوورەی بێدەنگیتا
شکۆدار بووی چەشنی دەفەی سینگی چیا،
بێپەیتر بووی لە مێژووی خەم
سادەتربووی لە لاسکە گیا..
نەمدەزانی:
من ئادەمی ناو بەهەشت بووم
لەگەڵ یەکەم ژنی دنیا!
فەرهەنگۆک:
١. نواڵە: شیوەڵە و دۆڵی بچکووک.
١. نواڵە: شیوەڵە و دۆڵی بچکووک.