جانا وەرە دەستێ بخە سەر قەلبی حەزینم
دوا گیانمە تاڵووکەمە کۆتا کە گرینم
بنواڕییە ئاوێنە دەزانی چییە دەردم
ئیحسانە کە چا کەیتەوە ئازار و برینم
ھەرچەندە کە بێ ڕەنگ و لەڕ و زەرد و نەخۆشم
ھەر لەحزە بە یادت قەڵەو و سوور و سەمینم
عومرێکە گلاراومە ئەی یاری شیرینم
ڕەحمێکی خودا بێنە دڵ و بێرە سەرینم
بنواڕییە ڕەنگم کە عەلاماتی دیارە
وەجھی چییە شەو تا بە سەحەر شین و گرینم
نایدەم بە ھەموو نیعمەتی فیردەوسی سەعاتێ
ئەو ڕۆژە کە تۆی یاری وەفادار و قەرینم
فەرھاد سیفەت و دائم الاوقات لە کێوم
ئینساف و وەفا عەیبە لە لای یاری شیرینم
سابیر لە فیراق و ئەسەفی خێوەتی لەیلا
ئاشوفتە و مەجنوون سیفەت و ئەلبیسە شینم