گیانە نازانی دڵم زامارە
برینەکەی من لە دووری یارە
پار بوو ئەگەڕام لە دەشت و لە دەر
لە مانگی نیسان ئەوەڵ بەھارە
گەلێ نازداران ھاتبوون بۆ گەشت
ئەگەڕان لەناو گوڵ و گوڵزارە
یەک یەکیان دیار بوو ڕوخساری ئەنواند
بە غەمزەی ئەبرۆ کەوتنە ئیشارە
بە پەیکانی تیر دوو ئەبرۆی ھیلال
دڵ و جەرگ سووتا بووە سەد پارە
وەک ھەیکەل بێ ڕۆح ماوم بە پارە
جێی تیری ئەوە دڵ بریندارە
ئێستا ئەنۆشم شەرابی میحنەت
لوتفی چی ئەکەی چارت ناچارە