بە یادی تۆیە دەچنم خونچە وگوڵ
به تیری تۆیه کون بوو دڵ، دەدا چڵ

به بۆی شەوبۆی گوڵی کوڵمت دەسووڕێم
دەڕۆم ئەم دار و ئەو دار، ئەم چڵ، ئەو چڵ

له نێو زولفی ڕەشت‌دا هەر دەخوێنێ
شەوێ تا ڕۆ‌ژ دڵم وەک پیره‌بولبول

له زولف و خەتت و خاڵی تۆ دروست بوون
وەنەوشه و سوورەگوڵ، شەبۆ و سونبول

بەخێرێی نێرگسی شەهلا، له باخان!
چراخانه له خۆشیی تۆ لە نێو گوڵ

ئەوا بۆنی گوڵی تۆی کرد 'ئیمامی'
به ‌بێ‌هۆشی له خۆشیان هەر دەدا خول