هەر بە ناسۆرە هەمیشە ئێشی حاجی بابەشێخ
قوڕ دەپێون پاکی قەوم و خوێشی حاجی بابەشێخ

ئێشی زۆرە ئێشی دووری، ئەرخەیانم پێی دەچن
قەوم و خوێش و سۆفی و دەروێشی حاجی بابەشێخ

ئەو شەوی وا ئەو بەجێی هێشتین بە دەستی خەم، وەلێ
هاتنە پێشواز و کەوتنە پێشی حاجی بابەشێخ

وا فەلەک ناڵێ و مەلەک فرمێسکی سووری داڕژاند،
عەرز ودار و بەردیش ئاخ هەڵکێشی حاجی بابەشێخ

قوڕ بپێون هەروەکوو 'کامیل' لەقیس پاکوو چووە
فکر و تەدبیر و سەلاح ئەندێشی حاجی بابەشێخ