تۆ نەخۆش بی، ژیانی من سوێرە^١
چاوەکانم به لەرزەکەت کوێرە

که دەڕۆی بۆ موعالەجه، ئاخر
دڵی ئێمه به شەخسێ بسپێرە

چونکه کۆرپەی دڵی هەموومان تۆی
بانەمەڕ چوو، چ وەختی هاوێره؟

دوور لە یەک کەوتنەوه گرنگه، 'عومەر'!
توند و تیژه، به چەشنی تاوێرە

هەرکەسی کەوته بەر، پەرێشانە
دەگرێ وەک تفەنگچی لەو، سێرە

وردوپردی دەکا به شاڵاوێک
بە سەری‌دا دەسووڕێ وەک گێرە

گیانەکەم! مامەکەت بە قوربانت!
خەبەرێکی بنێرەوه، خێرە