به وتاری وەکوو قەند، تووتیی شەککەرشکەنم
به چپەی خۆش و ورنگ، بولبولی باغ و چەمەنم

بێ‌موحابانه‌ و پەروا^١ دەگەڕێم و دەگریم
شەمی هەر کۆڕم و پەروانەیی هەر ئەنجومەنم

گەنجی تەبعم که لە نێو کونجی دڵا دیوەتەوە
هەمه سەرمایه، شوکور خاوەنی بەیتولحەزەنم

له ژیان گەر نییه بەند دەستی شکاوم، چاوم
چاوەڕێی خوێندنی یاسین و بڕینی کەفەنم

وەکوو فەرهادی بە با چوو هەموو ڕەنج و کارم
بێستوونی خەمی دڵ هەر به موژان هەڵدەقەنم

سەری خۆی ناوه 'ئیمامی' وەکوو مەجنوونی هەژار
هەر دەڵێ شێتم و ئاوبردەیی دار و دەوەنم