پەڵە^١، وەک پەڵ دای لە سەر و گوێلاک
دار و خەڵووزمان لێ‌بوو بە تریاک

باران ڕەحمەتە و خەڵک لێی ڕادەکا
خۆ ڕۆژەوانیش بەرد بە با دەکا

مەزلووم جوێن ئەدا و گونای بارامە
ڕەمەزان بەجەنگ، سەفەر بەدنامە!

بە نەوتی قیرتاو سەوز ئەبێ شاوری^٢
خەتای بارانە کە زۆر دەباری

خەڵک لە ماڵی خۆی ڕۆژوو ناگرێ
سۆفی گوناحی حکومەت ئەگرێ

بێ‌نەواییە شەڕی گوێ کوانوو
بادار نانی خۆی کردە بیانوو

چەتە، کە کز بوو نوێژکەره‌ و چاکە
گورگ کەڵبەی نەشکێ چاوەڕێی لاکە

ڕەمزان سێ تەونی لێ گرتووینە دار
حەوت ترنگیلی و خومار و قومار

ئەڵێن فڵان بەگ خۆی بەڕۆژووە
دوای خۆی بڕوانێ کە کێی لە دووە

بە تەنها گوڵی بەهارمان نایە
هەر مێزێ بگری کولێرەی تیایە