١. هيجری: مەبەسی له «موستەفا بەگی كوردی»يه كه لۆمەی «صەيدی»
كردووه لەسەر شيعرەكانی كه هەموويان باسی عەشق‏و دڵدارين. ئەميش وەرامی داوەتەوەو ئەڵێت: هيجری! تۆ نەت‏زانيوه، تۆ به حاڵی دەردی ئێمەت نەزانيوه. «تێبينی»: «مصطفی» بەگی كوردی له هێندێ هۆنراوەيا نازناوی «هيجری»يه. له سەرەتای ديوانەكەيا كه كوردی مەريوانی له ساڵی ١٩٣١ زاينی، چاپی كردووه ئەڵێت: موستەفا بەگ له ساڵی ١٢٢٧ی كۆچی، لەدايك بووه. بەم ئيعتيباره «صەيدی» ٢٨ ساڵ لەو گەورەتره. م. كاردۆخی
٢. واته: من «صەيدی»م! ، سالارو سوپای عەشقم، له هەموو شوێن‏و
ديوانێكا باسم ئەكەن، كوشتەی دەردی عەشق‏و زەدەی هيجرانم.
٣. تا وانم: تا خوێندم. وەندم: خوێندم. نامی: ناوی. واته: تا خوێندم
خوێندنەكەم هەر كتێبی عەشق‏و دەرسی عەشقم خوێند، وه وشەی عەشقم به مۆر لەسەر دڵم هەڵكەند.
٤. واته: له خوێندنگاو مەكتەبەكانا مەشقم ئەكردو شتم ئەنووسی‏يەوه،
عالەم هەموو ئەزانن ئەو مەشقەم مەشقی عەشق بوو.
٥. بێم: بووم. هەوای عەشقم بێ: مەيلی عەشقم بوو. پەوچی: بۆيه. واته:
تا جوان بووم له پەيژۆرو سەودای يارا بووم، هەواو ئارەزووی عەشق له مێشكما بوو، بۆيه هەر له گەڕانا بووم‏و وێڵی شوێنيان بووم.
٦. واته: بەهۆی عەشقەوه مامەوه تا پير بووم، له ماوەی ژيانما نەچووم
بەلای عەقڵو ژيری‏يەوەو ڕێم له ژيری نەكەوت.
٧. واته: نەوبەهاری تەمەنی جوانيم تێپەڕی به چی! ؟ بەعزێكی به دووری
يارەوه، بەعزێتری به ئاخ‏و داخەوه ڕام بوارد.
٨. چمان: چونكه. جادار: جێنوشين. واته: به شێوەی وێڵ هەر به كەژو
بيابانا ئەگەڕام، وا دەركەوت كه من جێنشينی مەجنوونی وێڵ بووم.
٩. واته: «صەيدی» تا زيندووه هەر به دەردەوه ئەتلێتەوه، وەك
مەجنوونيش وێڵه به كێوو هەردەوه.