١. وير: بير، له ياد. نەبێ: نەبوو. واته: ياره خۆشەويستەكەم، قيبلەم! ،
ئێمەت بۆ له بير نەبوو، جارێ له جاران ئێمەت بۆ ياد نەكرد؟ ! .
٢. واته: پاپۆڕی ژيانمان تەقديراتی به دەس تۆ نەبوو، ئەگەر به دەستی تۆ
بوايه له ناخۆشی ژيانمانا هيچ تەقسيرێكت نەئەكرد.
٣. ئەر: ئەگەر. بەدەس تۆ بيا: به دەس تۆ بوايه. واته: ئەگەر مەرگم به دەس
تۆ بوايه به تێغی تيژ جەرگت هەڵ ئەدڕيم.
٤. مەدات: ئەتدا. مەكەندی: هەڵت ئەكەند. واته: ئەوەنده تێغت ئەدا له
جەرگم تا ڕيشەی گيانمت دەر ئەهێنا.
٥. واته: تۆ ئەوەنده بێ ئينسافيت‏و ئيمان له دڵتا نيه؛ ! ئەگەر جەرگم پارچه
پارچه كەيت، وه لەته لەته بيدەی به چڵی دارو درەختا هيچ دەربەس نيت! .
٦. واته: بێ ئينساف جارێك له حەق نەترسای، هيچ وەختێ هەواڵێكی
لەشی دەردەدارمت نەپرسی.
٧. هەر ڕۆ: هەر رۆژێك. مەڕەژی: ئەڕەژی. سوهان: هەسان. واته: هەموو
ڕۆژێك چاوت ئەڕەژی‏و بەوه سەری بژانگت وەكوو له هەسان بدەی وايه.
٨. مانای ئەم هۆنراوەيه لەگەڵ هۆنراوەی دواييدا دێت.
٩. واته: برژانگەكانت خوێن ڕێژن، قاتڵن، هەريەكێكيان وەكوو تير
ئەيدەی له دڵ، بەو جۆره هەزاران زامت له جەرگم كردووه، لەگەڵ ئەمەشا هيچ دەربەس نيت خوێنی منت بێته گەردن.
١٠. واته: بێ ئينساف! هيچ وەخت عادەتت نيه هەواڵ پرسينێكی زامداری
خۆت بكەی، يا سەری لێ بدەی بزانی حاڵی چۆنه! .
١١. واته: تۆ كه چاوت ڕشتووه، به قەسدی كوشتنی من ڕەشتووته! ، وه
ئەتەوێ من بكوژی، مەگەر وائەزانی كه «صەيدی» باوكی تۆی كوشتووه! ؟ ! .