١. «تێبينی»: ئەم هەڵبەسته وەرامی «دەسهاڕه» بۆ صەيدی، وه «صەيدی»
خۆی وەرامی هەڵبەستی «هاره سەحتەنی» ئەداتەوه وه به زمان «هاره»وه قسه ئەكات.
٢. نيەن: نيه. عار: عەيب. واته: «صەيدی» عەيب نيه، «صەيدی» عەيب
نيه، عاشق ئەگەر بناڵێنێ عەيب نيه.
٣. ئێەيچ: ئێمەيش. واته: ناڵەی ئێمەش بەبێ سەبەب نيه، وه كەس ئاگای
له دەردی كەس نيه.
٤. «صەيدی» ئەڵێ: منيش شێتی خاڵی شيرينی يارم‏و پێ بەندم به تای
زوڵفی بۆن خۆشی يارەوه.
٥. واته: ناڵەو هاوارم لەبەر ئەو هۆيانەيه كه شيرين ئەو شيرينەی جاران
نيه، كه وەكوو يارانی‏تر به وەفا بێت، وەكوو ئەو گەورانەش نيه كه خەمی غوڵام‏و بەندەی خۆی بخوات.
٦. هەرگيز: هيچ وەختێ. چەنی: لەگەڵ. واته: شيرين هيچ كاتێ تا سەر
لەگەڵ كەسا ڕێك نەبووه، شەرت‏و ئيقرارو وەفای، تەنيا يەك سەعاته.
٧. تا مەيۆ: تا دێته لام. ڕەند: جوان. مەنيشۆم: لێم ئەنيشێ. واته: هەركاتێ
ئەو گوڵه جوانەم كه «شيرين»ه دێته لام، ترسی هيجران‏و دوور كەوتنەوەی له دڵم ئەنيشێو دڵم ناڕەحەت ئەبێت.
٨. واته: ئەو ساته كه شيرين دەستم ئەگرێو دەستم ڕائەكێشێ، زامانی
سەختم دێنێته سۆو ناڕەحەت ئەبم.
٩. جه: له. لواش: ڕۆيشتنی. جەستەم: لەشم. نه لەرزەن: دێته لەرزه. واته:
له ترسی ڕۆيشتنی‏و دوور كەوتنەوەی شيرين لێم، لەشم دێته لەرزين‏و دەنگی هەی هاوارو هەی دادم لێ بەرز ئەبێتەوه.
١٠. واته: ئەوەی گيرۆدەی هيجران بێت دايم بێ كەيفه، هەتا ئەگەر
كافريش گيرۆدەی دەردی دووری ببێ هەر حەيفه باری گرانی دووری هەڵگرێ.
١١. يه سەنگەن: ئەمه بەرده. تەنش: لەشی. خاشاكەن: دڕك‏و داڵه. واته:
ئەی خەڵقينەو ئەی هاوڕێيانم، ئەمه بەردێكه كه لەشی وەك دڕك‏و داڵه، وا له دەست دووری يار ئەناڵێنێ، جا وەرن سەيری لەشی مەينەت‏باری من كەن كه چيم بەسەر هاتوه.
١٢. واته: ئەمه بەرده وا به تاوی گڕی گەرمی عەشق‏و دووری‏يەوه
ئەسووتێ!!، ئەی من چۆن نەسووتێم كه دڵم گۆشت‏و خوێنه، وه ئەو دڵەم چۆن نەبێ به ئاو؟ ! .
١٣. واته: «صەيدی» له هيجران‏و دووری ياری ڕوومەت جوان‏و لێو ئاڵی
وەك لەعلی يار، چۆن نەسووتێ؟ ! ، وه بۆچی نەبێ به پارچەی خەڵووز.