١. زەڵاڵ: بەشێكه لەو خواردەمەنی‏يه كه بۆ ئادەميزاد پێويسته، لێرەدا
مانای «ڕەوانه» له گەڕوودا. واته: شەرابی عەشقی تۆ ساف‏و زەڵاڵه به ئاسانی ئەچێته ناو لەشەوه، به لەزەت‏و تاڵيشه.
٢. واته: تۆ بەبێ منەت ئەو شەرابه ئەدەی به كەسێك كه دڵنەوايی بكەی،
وه ئەو كەسەش موحتاجی داوا كردنی نيه، له تۆوه منەتی نيه، چونكه خۆت ئارەزووت كردووه بيدەيتێ. مەبەستی له شەرابی خوايی‏يه، چونكی «صەيدی» لەم هەڵبستەدا لەبەر خۆيەوه لەگەڵ خوادا قسه ئەكات.
٣. واته: مەستی ئەبەدی ئەبێ هەركەس بی‏خواتەوه، چونكه ساقی
شەرابەكه خواوەندی گەورەيه.
٤. واته: ئەوەی ئەيخواتەوه به زاهێر شێت‏و سەرخۆش دياره، كەچی له
دڵا خاوەن عەقڵو كەماڵه.
٥. واته: نه بيری هەيه بەلای موڵك‏و ماڵەوه، نه باكيشی له ژن‏و منداڵو
خێزان هەيه.
٦. واته: بەندەيەك نيه «مُتَكَبِّر»و خۆ به زل زان بێ، بەندەيەكی ڕيا كاريش
نيه، مەقسووديش هيچ ماڵو گەنجی دونيا نيه.
٧. واته: به تەنيا هەر ئەوه پيری دەست گيره، دەستی بگره پير تەنيا ئەوه
نيه عومری زۆر بێ.
٨. واته: درێغا لەم دونيايەدا ئەرزێكمان بۆ قيامەتمان دانەچاند،
شكارتەيەكمان نەكرد بۆ ئەو دونيامان.
٩. واته: ياران با دەس له دونيا بەردەين‏و پێی شاد نەبين، شادی دونيا
شاديێكی بەتاڵه.
١٠. چەنەش مەنمێ: تيا بمێنينەوه. مەنەيمان: مانمان. واته: ئەگەر 'سەد'
ساڵ به دڵخۆشی لەم دونيايه بژين، مانمان تا سەر مەحاڵه.
١١. واته: 'هەزار' جامی شەربەتی خۆش ئەگەر بنۆشين، له ئاخرا به
ژەهری مەرگ ئەمرين.
١٢. مەبڕۆ: ئەبڕێ. ناگا: كوتووپڕ. جه ياوان‏و جه كاڵا: له گەييوو كاڵ
مەبەستی پيرو جوانه. واته: «عيزرائيل» گيانمان ئەكێشێ، ناپرسێتەوه له پيرو له جوان.
١٣. واته: فەرزه لەسەری بڕوا بەم كاروانی مردنه، ئەگەر «ئەبوجەهل»ه،
ئەگەر «بيلال»ه. (مەبەستی: ئەگەر كافره يا موسوڵمانه مردن له ڕێی هەردوكيانه.
١٤. زەڕێو: تۆزێك. پۆشاك: جل‏و ليباس. واردەيمان: خواردنمان. واته: به
قەد زەڕڕەيێك شت بكەين لەسەرمان حيسابی ئەكەن، خاك بەسەرمان نه پۆشاك‏و جلمان وه نه خواردن‏و خواردنەوەمان حەڵاڵه.
١٥. وەرينان: پێشينان. ويەرده: ڕابوردوو. [ماناكەی لەگەڵ شيعری دواييدا دێت].
١٦. واته: پێشينان وەلی‏و دڵ پاك بوون، به ڕەوشتی باش تەمەنيان برده
سەر، له ڕۆژی مەحشەرا بێ پەروا ئەڕۆن بۆ بەهەشت لەگەڵ باڵدارەكانا. بۆ ئێمه ناڕەحەته بارمان گرانه
١٧. واته: له بەهەشتا خەڵاتی جوان لەبەر ئەكەن وەكو: خشڵو سوندوس‏و
ئيستەبرەق.
١٨. پەی ئێمه: بۆ ئێمه. [مەعسيەت، «مَعصِيَت»: وشەيەكی عەرەبی‏يه به
مانا «كردەوەی ناڕەوا»]. وەباڵ: گوناه. واته: بۆ ئێمه زۆر ناڕەحەته، بارمان قورس‏و گرانه، زوڵم‏و گوناەو تاوانمان زۆره.
١٩. واته: سەفەرێكی دوورو درێژمان وا له ڕێگادا، نه تۆشەمان هەيەو نه
جل‏و پۆشاك، نه كەوشمان هەيه بی‏كەينه پێمان له قيامەتا.
٢٠. ئاستان: دەرگاو شوێن. مەنيشان: دانيشتوون. چێمه: له ئێمه. واته: له
'پەنجا' شوێن ڕێمان پێ ئەگرن، له ئێمه سوئال‏و جواب ئەكەن له بابەت كردەوەی دينمانەوه.
٢١. جه هەر ياگێو: له هەر شوێنێ. وەش: باش. نەدەيمێ: نەدەينەوه. واته:
له هەر شوێنێ باش جوابيان نەدەينەوه 'هەزار' ساڵی تەواو ڕامان ئەگرن.
٢٢. واته: له ديوانی قيامەتا چی بكەين، ئەگەر نامەی ئەعماڵمان بنێنه
دەستی چەپمان، ئەوەی به دەستی چەپ نامەی ئەدرێتێ ئەوه ئەينێرنه «دۆزەخ». (مەبەستی له ئايەتی: «وَ أَمّا مَنْ أُوتِی كِتابَهُ بِشِمالِهِ فَيَقُولُ يا لَيْتَنِی لَمْ أُوتَ كِتابِيَة وَ لَمْ أَدْرِی ما حِسابِيَة» واته: ئەوەی كه نامەی ئەعماڵی ئەدرێته دەستی چەپی ئەڵێ: خۆزگا نامەی كردەوەكانم نەدرايێته دەست، وه نەم زانيايه حيساب‏و كيتابی نامەی ئەعماڵم چۆنه».
٢٣. «كَريم، رَئوف، رَحيم»: ئەمانه بەشێكن له ناوەكانی پەروەردگاری تەنيا.
«غافِر الذَّنب»: بەخشێنەری تاوان‏و گوانه. واته: ئەی خوای كەريم له گوانەو تاوان خۆش بوو، ئەی به رەحم‏و دڵسۆز، ئەی ڕەحيم‏و بێ شەريك‏و نەمر، ئەپاڕێمەوه لێت:
٢٤. واته: به لوتفی تۆ هيواو ئومێدمان زۆره، نەبين به ژێر باری قەهرو ڕقی
تۆوه، دڵمان بووه به كۆی زوخاڵ.
٢٥. واته: خوايا ئومٌيدمان وايه له ئاگری دۆزەخ بمان پارێزيت، ئێمه
مەبەستمان حۆری‏و بەهەشت نيه پێمان بدەی.
٢٦. واته: خوايا تۆبەی ڕاستی‏و ئيخلاسمان قبوڵ كەيت، ئەوانەی كه تۆ
لێيان خۆش ئەبيت، ئيتر بەدەس گوناەو تاوانەوه نەناڵێنن، چونكی پاش ئەوه كه خوا لێی خۆش بوو ئيتر بۆچی بناڵێنن.
٢٧. پەرێ: بۆ. بەخشاييمان: لێ خۆش بوونمان. واته: يەقين‏و ڕاست‏و بێ
شكه، خۆت فەرمووته: «إِنّي لَغَفّارٌ لِمَنْ تابَ» ئەم ئايەته بۆ لێ خۆش بوونمان شاهيدی حاڵمانه، يانێ تۆ بەزەييت پيامانا دێتەوەو عەفوومان ئەكەی. مانای ئايەتەكه ئەمەيه: «من خۆش ئەبم لەو كەسەی كه تۆبه ئەكاو پەشيمان ئەبێتەوه».
٢٨. شەفاعەت خوای: شەفاعەت كەری. گوناهكاران: تاوانباران. واته:
شەفاعەت كەری تاوانباران حەزرەتی «موحەممەد»ه صلی‏اللەعليەو‏سلم پێشەواو پێغەمبەرمانه، كه ئەويش ساحێب عيززەت‏و گەورەيه لەلای يەزدان.
٢٩. واته: مەگەر تۆ بی به تكا كارمان ئەی موحەممەد صلی‏‌اللەعليەو‏سلم، ئەگينا ڕزگاريمان له ڕۆژی قيامەتا مەحاڵه.
٣٠. به فريا: به هاواری. ياوی: بگەيت. جه وەختێونه: له كاتێكا. واته: خوايا
بگەی به فريای «صەيدی»يەوه له وەختێكا كه وا له قەبرا، جێگەكەی چاڵو تاريكه.