١. ئەز: من.
ئورۆمۆن: هەورامان.
سەرو پيری: جێی پيری هەورامان، يانێ نيشتەجێی «پير شاليار».
خوای گێرەن خەڵاتم: خوا كردوويەتی به خەڵاتم.
واته: من هەورامان شوێنم بوو، لای «پير شاليار»، نزيكی ئەو خوا كردی به خەڵاتم.

٢. بەرو دەروێش: وەكوو دەروێش.
لوۆ: ڕۆيشتم، گەڕام.
وڵاتۆ: وڵاتان.
نەنيشتۆ: دانەنيشتم، دڵم دانەمركا.
نەساتم: نەم ساچان، ئيسراحەتم نەكرد.
واته: وەكوو دەروێش به هەموو وڵاتێكا گەڕام، وه له هيچ شوێنێك دانەمركام‏و نەمامەوه.

٣. «ژيوار»: شوێنێكه له «هەورامان»، دێی ماڵی «نيشات»ەيه؛ نيشات ناوی كچێكی جوان بووه له «ژيوا»ا.
شێوناش: پەشێوی كرد.

٤. كاكه «بارۆم»: كاكه «بارام»، باوكی «نيشات»ه.
خجڵنۆ: سەرگەردانم ئەكات.
خەمێش: خەمی.
پەژارەش: پەژارەی.

٥. چەنۆ: لەگەڵ.
نيۆ: نيه.
ئاخ‏و: ئاخ‏و داخ.
سيواو ئاخۆ: جگه له ئاخ‏و داخ.

٦. واته: «نيشات»، ئەگەر تۆ ميری يا مەلای، دادم بپرسه، شكاتی تۆيه، شكاتی تۆيه، شكات كردنم هەر له دەس تۆيه.

٧. نەژيڤانۆ: نەژياوم.
مەژيڤو: ناژيم.
بێ ته: بێ تۆ.
واته: نەژياوم‏و ناژيم بەبێ تۆ يەک سەعات، تۆی ژيانم، تۆی ژيانم، هەر تۆی ژين‏و ژيانی من.

٨. نيا: نيه.
پەی ته: بۆ تۆ.
ژيو: ژيان.
تاڵا: تاڵه.
بەرێنی: بردت، لەناوت برد هەموو شەكرو قەندو نەباتم نەماوه.

٩. تەخۆ نەبره: تۆ وەفات نەبووه.
چەنی من: لەگەڵ من.
هەرگيز: هيچ وەختێ.
بيناييم بێ، وەفاييت: وەفا كردنت ڕووناكی چاوم بوو.

١٠. واته: من ئەگەر دێوانەو شێت‏و سەرسامم بۆ تۆ، هەر هۆی تۆيەو تۆی كەوا ئەم تەنگ‏و چەڵەمەيەت بۆ پەيا كردوم.

١١. تەمەم بەستێنەنێ: تەماعم كردووەته.
ئا چاڵو زنجێ: ئەو چاڵی زنجته، [«زنج»: چەناكه].
كه دەی: كه پێم بدەی.
چا: لەو.
كەوسەرەی: كەوسەره.
ئاوۆ حەياتم: ئاوی حەياتم.

١٢. لڤۆنۆڤه: ئەچوومەوه، يا ئەگەڕامەوه سەر.
تۆف‏و جەحێڵی: جۆشی گەنجيەتی.
دەرەك: بەدەرەك.
واته: ئەگەر لەو ئاوی كەوسەرەی چاڵی زنجته بخۆمەوه، يا بم‏خواردايێتەوه، ئەگەڕامەوه سەر جۆشی گەنجيەتی، ئەگەرچی پيرو كەنەفتم.

١٣. واته: تۆ فەرزه زەكاتی جوانی خۆت بدەی، چونكه جوانيت ئەوەنده زۆره زەكاتی ئەكەوێ، منيش دەروێش‏و هەژاری تۆم، جا كەوابوو زەكاتی جوانی خۆتم بدەرێ، دەسا دەی.