١. زوخاڵ: خەڵووز. بای: ببی. به كۆی زوخاڵ بای: به كۆی خەڵووز بی.
واته: ئەی دڵ خەجاڵەت‏و ڕوو ڕەش بی وەك خەڵووز، به ئاهی قودرەت بێ به خەڵووز.
٢. واته: لەگەڵ خەما خەريك بی، شادی بەتاڵ بيت، وەكوو باڵندەی بێ
پەڕو باڵ شكاو بيت. له نوسخەيێكی ترا نيوەی هۆنراوەی يەكەم بەم جۆرەيه: «هەردەم سەر جه نۆ شادی بەتاڵ بای».
٣. وارۆ: ببارێ. لێت: له تۆ. نەژنەوای: گوێ نەگر، نەبيسەر. واته: ياخوا لهئاسمانەوه غەزەب بەسەرتا دابارێ، ئەمه تۆ پێت كردم ئەی گوێ نەگری
سەر شێت.
٤. واته: چەند جار وتم پێت به عەشقی گۆڕی ئيمامەكان، مەكەوەره سەر
عەشق‏و سەودای جوانانی تازه پێگەييوی نەونەمام.
٥. واته: بێفائيدەيه سەوداو عەشقی نازداران، چونكه ئەو نازدارانه
وەفايان تا سەر لەگەڵ كەسا نيه.
٦. واته: ئەگەر تۆ 'سەد' ساڵ جەفايان بكێشی بێهوودەيه، وەفايان تا سەر
لەگەڵ كەسدا نيه.
٧. نەشنەوای: نەت بيست. پەندم: ئامۆژگاريم. تا كەفتی: تا كەوتی. لەگەڵ
هۆنراوەی دواييدا ماناكەيان پێكەوه دێ.
٨. واته: ئامۆژگاری منت نەبيست‏و وەكوو ئينسانی ناڕەسەن‏و ناپەسەند،
تا وەكوو نەچير كەوتيته داوی جوانانەوه. تا پێچرايت به داوو زەنجيرەوه، ئێسته جەستەو لەشت دەردەدارو زامدارەو كيم‏و زوخاوو جەراحەت له لەشت دێته دەرەوه.
٩. واته: نه به شەو ئارامت هەيه، نه ڕۆژيش خەوت بوو، بۆ دووری
ئازيز، گلاراوته! . ئەم هۆنراوه بەم جۆره بوايه باشتر بوو:
نه به ڕۆ قەرار نه شەو خاوت بێ پەی دووری دوڵبەر گلاراوت بێ
چونكی ئينسان له شەوا ئەخەوێو ئەنوێ. مومكينه له نوسخه ئەسڵيەكەدا بەم جۆره بووبێ. م. كاردۆخی
١٠. واته: ئەی دڵ هەر شەيداو وێڵو نەفاميت، جەفای يارت كێشا، پێم
ناڵێی كامه بوو وەفای! ؟ .
١١. كەفتی: كەوتی. بێز: لەبەر چاو كەوتن، بێزراو. واته: ئاخری لەلای
ياريش بێزرايت، وه لەبەر چاوی كەوتی، دەك لەت‏لەت بی، ئەنجن ئەنجنت كەن به تێغی تيژ.
١٢. ناڕەوا: ناڕەواج، به هيچ نەچوو. ئەرامەندەی وێت: داماوی خۆت.
واته: ئێستا كه داكەوتووی به بێ نرخ‏و بێقيمەت‏و كەساس، كەس به پووڵێ نات كڕێ، مەشغوڵی قوڕ شێلانی‏و له قوڕا چەقيوی خۆت! ، ئەی داماو.
١٣. واته: ديت كه چۆن چەرخی ستەمكار چی لێ كردوی، چۆن
مەشغوڵی كردوی، خوا بكات هيچ كاتێ ڕۆژی خۆشی‏و شادی به چاو نەبينی، ئەی دڵ.
١٤. دەشنه: قيمه كێش. بكێشا قيمەت: قيمەت كەن. كەردەن: كردووته.
واته: خوا بكات به قيمه كێشی قەساب قيمەت كەن، تۆ صەيديت كردووه به پارەی بێ قيمەت‏و بێ نرخ لەم دونيايەدا.