کە من کڕ١ دەبم، تۆ مەمدوێنە.
تا مێوەی داری سەرم پێ نەگا،
چڵی٢ زمانم ڕامەوەشێنە!
هەر من بێدەنگ نیم!
تۆ سەرنج بدە،
کە رەوەزی٣ چیا
سنگ دەداتە بەر قامچیی برووسکە٤،
چەند کڕ و کپە!
کە چەکەرەی گیا
پەل دەهاوێژێ ڕووەو ترووسکە، ٥
چەند کڕ و کپە!
*****
کە من کڕ و بێدەنگ دەبم،
وا تێ نەگەی بارسووکەڵە و دەستبەتاڵم_
بڕوا بکە،
وەک پلوورەی٦ هەنگە سەرم، هێند سەرقاڵم!
هێندە باسی نیشتمانی خۆم بۆ کردی،
هەتا گیانت لێوانلێو بوو لە ئەڤینی،
بە ئاواتی جارێک بچی،
چاو بڕێژی بە شار و دێی،
دەستێک بدەی لە برینی؟ ...
کە من کپ بووم، کپیم زین کە،
تەماشام کە و زەنگۆ لێدە: ٧
نیشتمانم خڕ٨ دەبینی!
تا مێوەی داری سەرم پێ نەگا،
چڵی٢ زمانم ڕامەوەشێنە!
هەر من بێدەنگ نیم!
تۆ سەرنج بدە،
کە رەوەزی٣ چیا
سنگ دەداتە بەر قامچیی برووسکە٤،
چەند کڕ و کپە!
کە چەکەرەی گیا
پەل دەهاوێژێ ڕووەو ترووسکە، ٥
چەند کڕ و کپە!
*****
کە من کڕ و بێدەنگ دەبم،
وا تێ نەگەی بارسووکەڵە و دەستبەتاڵم_
بڕوا بکە،
وەک پلوورەی٦ هەنگە سەرم، هێند سەرقاڵم!
هێندە باسی نیشتمانی خۆم بۆ کردی،
هەتا گیانت لێوانلێو بوو لە ئەڤینی،
بە ئاواتی جارێک بچی،
چاو بڕێژی بە شار و دێی،
دەستێک بدەی لە برینی؟ ...
کە من کپ بووم، کپیم زین کە،
تەماشام کە و زەنگۆ لێدە: ٧
نیشتمانم خڕ٨ دەبینی!
١. کڕ: بێدەنگ بوون
٢. چڵ: لقی درەخت و گیا
٣. رەوەز: کەپکەشاخ، گابەردی زۆر گەورەی چینچینی کێو
٤. برووسکە: چەخماخە
٥. ترووسکاندن: بریسکانەوە، چرسکان، تەیسین
٦. پلوورە: خڵێف، خەڵێف، کوورەی هەنگ، کەندووی مێشەهەنگ
٧. زەنگۆ: زەنگوو، ڕکێف، ئاوزەنگی؛ زەنگۆ لێدە: ڕکێف لێدە
٨. خڕ: هەموو، هەمی، تەڤ، گشت
٢. چڵ: لقی درەخت و گیا
٣. رەوەز: کەپکەشاخ، گابەردی زۆر گەورەی چینچینی کێو
٤. برووسکە: چەخماخە
٥. ترووسکاندن: بریسکانەوە، چرسکان، تەیسین
٦. پلوورە: خڵێف، خەڵێف، کوورەی هەنگ، کەندووی مێشەهەنگ
٧. زەنگۆ: زەنگوو، ڕکێف، ئاوزەنگی؛ زەنگۆ لێدە: ڕکێف لێدە
٨. خڕ: هەموو، هەمی، تەڤ، گشت