شیعری دوێنی و ئەمڕۆ، عەبدوڵڵا پەشێو

دوێنێ ویستم
بێمە بەردەمت، چۆک دادەم
پەردە لەسەر چاوی شینی ئەوین لادەم
نەفسی بەرزم ڕێگەی نەدام
ترسام بڵێی:
'ئارام بگرە... هێشتا زووە... '

کەچی، ئەمڕۆ
لە کاتێکدا تۆ خۆت هاتووی
کژ^١ گۆڕاوە
قاز و قورینگ^٢
قەتارەیان بۆ لایەکی دی بەستووە^٣
دڵی منیش
ڕووەو عەرشی شۆخێکی تر
سەری ماندووی داخستووە...

١. کژ: وەرز، فەسڵی ساڵ
٢. قورینگ: قوڵنگ، باڵندەیەکی قازئاسای گەرمێن و کوێستانکەرە
٣. قەتاربەستن: قەتارەبەستن، ڕیزبەستنی لەدووی یەک