٧٩٨
شۊ نە ڕاگە شان بگېرشان عه‌نان
ئەڵبەت كە ئېد دین مەبان پەشیمان
٧٩٩
بەو دەستوور بەكر مەشوەرەت كەردش
ئەمیر زینەدین بە جا ئاوەردش
٨٠٠
ئاما وە گوفتار ئەمیری ئەنام
واتش بوېیه‌ران جە عوزر و گونام
٨٠١
وە دڵوازی نەرد كەردین چەنی مەم
ئامام نەو دەم دا وە زوبان قەسەم
٨٠٢
مەبۊ وە خاتوون بگیروش نە جا
ھەم بیروون بارۊش ئەو نە قەعر چاهـ
٨٠٣
مەئزوون بان بشان باوەرەش وەبەر
نیكاح كەم وەنەش سەوڵ نازپەروەر
٨٠٤
یاران چوون ئەژنین جە ئەسپ پیابین
بوسان دەست و پای ئەمیر وە یەقین
٨٠٥
جە نۊ سوار بی ئەمیر دەر زەمان
گردین بەرابەر ڕوو وە شار نېیان
٨٠٦
جەو دەم بفەرموود میرانە دەستوور
بشۊ وە زیندان خاتوون وە زەروور
٨٠٧
باوەرۊ وه بەر ئەمیر غەمخوار
زوو بە زوو بشۊ نەگېرۊ قەرار
٨٠٨
گۊشدەر وە خاتوون نادرەی سالان
وېش ئارایش دا بشۊ وە زېندان
٨٠٩
بەكر ھەم وە تاب شی نە خان و مان
واتش نوور چەم ئەی مەلەک ڕېحان
٨١٠
میر ئەمرشكەردەن مەم باران وە بەر
مەشۊ وە زېندان خاتوون دوڵبەر
٨١١
ئەر بشۊ وە سەر زیندان خاتوو زین
مەم ڕۊحش پەرواز مەبۊ چوون پەروین
٨١٢
چوون بېراییم كەرد من جە ڕاگەی مەم
بشۊ وە باڵاش تۊ وە خاتر جەم
٨١٣
باوەرەش وە بەر نەو چاهـ پڕ غەم
با نەبۊ تەسلیم وە زاری و ستەم
٨١٤
جەو پەی ھۊرېزا مەلەک بی ڕەوان
ھەمان ڕوو ئاوەرد ئه‌و بە سووی زیندان
٨١٥
خاتوون ھەم نەو دەم ئاما دەر زەمان
دېیا كە مدران ئەو مەلەک ڕېحان
٨١٦
واتش ئەی دوختەر بۍ دین و ئیمان
چە كارت ھەندەن جە ئامای زیندان
٨١٧
وات وە كەنیزان ئی جادووی زەمان
بە تاو و تەعجیل پەرېم بگېران
٨١٨
مەلەک چوون شنەفت حەوللیاتی سەر
پەراكەندە كەرد نە ڕووی دەشت و دەر
٨١٩
تا كەنیز وە كۊی حەوللی(؟ ) بین قەرار
مەلەک گورېزا فەراوان فەرار
٨٢٠
خاتوون چوون ئاما وە سەیری زیندان
ئاوازكەرد وە مەم بینایی چەمان
٨٢١
جە غەم بوېرە وادەی نەشاتەن
ڕۊشنی زوڵمات ڕووی سەر بەساتەن
٨٢٢
ئاوازدا ئەمیر وە نیمە ئاواز
واتش ئەی عەزیز شۊخ سەرفەراز
٨٢٣
تەسدیعت كېشان چوونكە ئامانی
بەڵۍ قابزی ڕۊحم مەستانی
٨٢٤
ئەمیر جەو بۊنەت فرستاده‌نان
تاكە ئەرواحم بستانی ڕەوان
٨٢٥
دوو تا گېسووی ڕېحان پەل دېز
نە قەعر ئەو چا كەردش سەراوېز
٨٢٦
حەلقەش حەلقاوېز وست نە حەلقەی لوول
تارش باریكتەر جە تار مەفتوول
٨٢٧
ھۊركېشا وە بەر ئەو شەكەرین ڕاز
چوون ڕووی خاتوون دی ڕۊحش كەرد پەرواز
٨٢٨
بېزار بی جە عەیش جە زیندەگانی
گېیان كەرد وە فیدای حوور ڕەزوانی
٨٢٩
جوانیش جا ئاشت پەرێ خاتوو زین
ڕۊحش ئارام گرت نە ڕەوزەی بەرین
٨٣٠
ئەگەر ھەزار ساڵ بمانی وە كام
عاقبەت مەرگەن نەدارۊ ئەنجام
٨٣١
ئی دونیای فانی ھەر پاسە كەردەن
كەسێ جە سایەش وایە نەبەردەن
٨٣٢
بشنەو جە خاتوون نازدار دوڵدار
پارە پارە كەرد خاڵان جە ڕوخسار
٨٣٣
بە پەنجەی بلوور سەدەفی كردار
كەردش وە بەیداق زوڵفان شامار
٨٣٤
یەقەی قەناوېز پارەكەرد جە بیم
قورمز كەرد بەیان لەوح سادەی سیم
٨٣٥
باڵ توڕەی دېز گشت دا وە تاراج
سەیل ھوون ئاما پۊشا تەختەی عاج
٨٣٦
بۊ نېیا وە بۊی شای عالی ئەعزەم
واتش سەد شه‌ڵلا عومرم بېیا كەم
٨٣٧
ھەر كەسێ تۊش وست نەی چاهـ زیندان
جەرگش پارە بۊ وە تېغ بوڕان
٨٣٨
ھەر تا زیندە بۊ ئاھش وەش نەبۊ
كامەرانی زەوق دونیای پېش نەبۊ
٨٣٩
بەختش نگوون بۊ سەرئاوېز جە غەم
غەرق غەزەب بۊ یاوەر چەنی غەم
٨٤٠
جە نۊ بوڵەند كەرد زایېڵەی زگار
واتش ھەمسەران بېیان ئەو دیار
٨٤١
بدېیان وە گەردېش چەرخ ستەمكار
چ زوڵمێ پېم كەرد زاڵم غەدار
٨٤٢
ئی ستەمكاری وە كەس نەشېیەن
كۍ چوون من دڵدار جوانەمەرگ دېیەن
٨٤٣
وە فدای جوانیت شازادەی شاھان
پەرێ خاڵی من تەی كەردی ڕاھان
٨٤٤
كېشات ئەزیەت بۍ سامان و سوود
سوودت شی وە باد مایەت بی نابوود
٨٤٥
دمای مەرگ تۊ دڵ وە كۍ دەروو
چە گوونە بەی دەھر دڵ وەش بكەروو
٨٤٦
شەرتم ئەو شەرتەن كام نەدیدەی دەور
غەریب شاران وە جەور كوشتەی جەور
٨٤٧
بشوون ئەو مېیان دەیریان دەیر
حەرام بۊ جە من زەوق شادی و سەیر
٨٤٨
ئەر شا بزانۊ جە یەمەنی شار
نیلی بكەرۊ تاج چەنی تۊمار
٨٤٩
فەترە مەدەرۊ مەیۊ بېقەرار
ھوونت مەستانۊ جە ئەعدایان كار
٨٥٠
بشنەو جە بەنگین یار وەفاكېش
یاوا وە نەزد ئەو ئەمیری دلڕېش
٨٥١
وېش كېشا وە بووڵ جە پا تا وە سەر
ئاوازش وېیەرد نە چەرخ ئەخزەر
٨٥٢
ئەوەند دانە وېش بە تېغ و تەبەر
دەردەم ھوون جە فەوق زامش دا ئەسەر
٨٥٣
سەرنگوون گنا وېنەی بېھۊشان
بی وە ھام نۊشین ئەھل خامۊشان
شۊ نە ڕاگە شان بگېرشان عه‌نان
ئەڵبەت كە ئېد دین مەبان پەشیمان
٧٩٩
بەو دەستوور بەكر مەشوەرەت كەردش
ئەمیر زینەدین بە جا ئاوەردش
٨٠٠
ئاما وە گوفتار ئەمیری ئەنام
واتش بوېیه‌ران جە عوزر و گونام
٨٠١
وە دڵوازی نەرد كەردین چەنی مەم
ئامام نەو دەم دا وە زوبان قەسەم
٨٠٢
مەبۊ وە خاتوون بگیروش نە جا
ھەم بیروون بارۊش ئەو نە قەعر چاهـ
٨٠٣
مەئزوون بان بشان باوەرەش وەبەر
نیكاح كەم وەنەش سەوڵ نازپەروەر
٨٠٤
یاران چوون ئەژنین جە ئەسپ پیابین
بوسان دەست و پای ئەمیر وە یەقین
٨٠٥
جە نۊ سوار بی ئەمیر دەر زەمان
گردین بەرابەر ڕوو وە شار نېیان
٨٠٦
جەو دەم بفەرموود میرانە دەستوور
بشۊ وە زیندان خاتوون وە زەروور
٨٠٧
باوەرۊ وه بەر ئەمیر غەمخوار
زوو بە زوو بشۊ نەگېرۊ قەرار
٨٠٨
گۊشدەر وە خاتوون نادرەی سالان
وېش ئارایش دا بشۊ وە زېندان
٨٠٩
بەكر ھەم وە تاب شی نە خان و مان
واتش نوور چەم ئەی مەلەک ڕېحان
٨١٠
میر ئەمرشكەردەن مەم باران وە بەر
مەشۊ وە زېندان خاتوون دوڵبەر
٨١١
ئەر بشۊ وە سەر زیندان خاتوو زین
مەم ڕۊحش پەرواز مەبۊ چوون پەروین
٨١٢
چوون بېراییم كەرد من جە ڕاگەی مەم
بشۊ وە باڵاش تۊ وە خاتر جەم
٨١٣
باوەرەش وە بەر نەو چاهـ پڕ غەم
با نەبۊ تەسلیم وە زاری و ستەم
٨١٤
جەو پەی ھۊرېزا مەلەک بی ڕەوان
ھەمان ڕوو ئاوەرد ئه‌و بە سووی زیندان
٨١٥
خاتوون ھەم نەو دەم ئاما دەر زەمان
دېیا كە مدران ئەو مەلەک ڕېحان
٨١٦
واتش ئەی دوختەر بۍ دین و ئیمان
چە كارت ھەندەن جە ئامای زیندان
٨١٧
وات وە كەنیزان ئی جادووی زەمان
بە تاو و تەعجیل پەرېم بگېران
٨١٨
مەلەک چوون شنەفت حەوللیاتی سەر
پەراكەندە كەرد نە ڕووی دەشت و دەر
٨١٩
تا كەنیز وە كۊی حەوللی(؟ ) بین قەرار
مەلەک گورېزا فەراوان فەرار
٨٢٠
خاتوون چوون ئاما وە سەیری زیندان
ئاوازكەرد وە مەم بینایی چەمان
٨٢١
جە غەم بوېرە وادەی نەشاتەن
ڕۊشنی زوڵمات ڕووی سەر بەساتەن
٨٢٢
ئاوازدا ئەمیر وە نیمە ئاواز
واتش ئەی عەزیز شۊخ سەرفەراز
٨٢٣
تەسدیعت كېشان چوونكە ئامانی
بەڵۍ قابزی ڕۊحم مەستانی
٨٢٤
ئەمیر جەو بۊنەت فرستاده‌نان
تاكە ئەرواحم بستانی ڕەوان
٨٢٥
دوو تا گېسووی ڕېحان پەل دېز
نە قەعر ئەو چا كەردش سەراوېز
٨٢٦
حەلقەش حەلقاوېز وست نە حەلقەی لوول
تارش باریكتەر جە تار مەفتوول
٨٢٧
ھۊركېشا وە بەر ئەو شەكەرین ڕاز
چوون ڕووی خاتوون دی ڕۊحش كەرد پەرواز
٨٢٨
بېزار بی جە عەیش جە زیندەگانی
گېیان كەرد وە فیدای حوور ڕەزوانی
٨٢٩
جوانیش جا ئاشت پەرێ خاتوو زین
ڕۊحش ئارام گرت نە ڕەوزەی بەرین
٨٣٠
ئەگەر ھەزار ساڵ بمانی وە كام
عاقبەت مەرگەن نەدارۊ ئەنجام
٨٣١
ئی دونیای فانی ھەر پاسە كەردەن
كەسێ جە سایەش وایە نەبەردەن
٨٣٢
بشنەو جە خاتوون نازدار دوڵدار
پارە پارە كەرد خاڵان جە ڕوخسار
٨٣٣
بە پەنجەی بلوور سەدەفی كردار
كەردش وە بەیداق زوڵفان شامار
٨٣٤
یەقەی قەناوېز پارەكەرد جە بیم
قورمز كەرد بەیان لەوح سادەی سیم
٨٣٥
باڵ توڕەی دېز گشت دا وە تاراج
سەیل ھوون ئاما پۊشا تەختەی عاج
٨٣٦
بۊ نېیا وە بۊی شای عالی ئەعزەم
واتش سەد شه‌ڵلا عومرم بېیا كەم
٨٣٧
ھەر كەسێ تۊش وست نەی چاهـ زیندان
جەرگش پارە بۊ وە تېغ بوڕان
٨٣٨
ھەر تا زیندە بۊ ئاھش وەش نەبۊ
كامەرانی زەوق دونیای پېش نەبۊ
٨٣٩
بەختش نگوون بۊ سەرئاوېز جە غەم
غەرق غەزەب بۊ یاوەر چەنی غەم
٨٤٠
جە نۊ بوڵەند كەرد زایېڵەی زگار
واتش ھەمسەران بېیان ئەو دیار
٨٤١
بدېیان وە گەردېش چەرخ ستەمكار
چ زوڵمێ پېم كەرد زاڵم غەدار
٨٤٢
ئی ستەمكاری وە كەس نەشېیەن
كۍ چوون من دڵدار جوانەمەرگ دېیەن
٨٤٣
وە فدای جوانیت شازادەی شاھان
پەرێ خاڵی من تەی كەردی ڕاھان
٨٤٤
كېشات ئەزیەت بۍ سامان و سوود
سوودت شی وە باد مایەت بی نابوود
٨٤٥
دمای مەرگ تۊ دڵ وە كۍ دەروو
چە گوونە بەی دەھر دڵ وەش بكەروو
٨٤٦
شەرتم ئەو شەرتەن كام نەدیدەی دەور
غەریب شاران وە جەور كوشتەی جەور
٨٤٧
بشوون ئەو مېیان دەیریان دەیر
حەرام بۊ جە من زەوق شادی و سەیر
٨٤٨
ئەر شا بزانۊ جە یەمەنی شار
نیلی بكەرۊ تاج چەنی تۊمار
٨٤٩
فەترە مەدەرۊ مەیۊ بېقەرار
ھوونت مەستانۊ جە ئەعدایان كار
٨٥٠
بشنەو جە بەنگین یار وەفاكېش
یاوا وە نەزد ئەو ئەمیری دلڕېش
٨٥١
وېش كېشا وە بووڵ جە پا تا وە سەر
ئاوازش وېیەرد نە چەرخ ئەخزەر
٨٥٢
ئەوەند دانە وېش بە تېغ و تەبەر
دەردەم ھوون جە فەوق زامش دا ئەسەر
٨٥٣
سەرنگوون گنا وېنەی بېھۊشان
بی وە ھام نۊشین ئەھل خامۊشان