٦٥٨
جەو دەم بشنەو ئېستېھزای دوڵبەر
ئاگەدار نېیەن جە خەیر و جە شەڕ

٦٥٩
ئەڵبەت حەرفێ بەد مەیۊش بە زبان
بە نام خاتوون ئەو نە ڕووی دیوان

٦٦٠
ھەر وەقت مەعلووم بی جە میر و ئەعیان
حەرامزادەنان جە قاپیی شاھان

٦٦١
جەو دەم بفەرما داش نە ڕووی تېغ
لادێ جە كوشتش مەكەرە دەرېغ

٦٦٢
حەرفێ نەدارۊن پادشا و گەدا
ڕازشان نېیەن جە حەرف بەدڕاه‌

٦٦٣
ئەمیر چوون شنەفت دەعوەتكەرد یاران
بە ئەمر قودرەت یاوان بە دیوان

٦٦٤
وەقت شام ئاما سوفرە ئاوەردن
شەھد و مەتعوومات تەناولكەردن

٦٦٥
نە وەقت ئامای قەلیان و قاوە
میر زینەدین دەمێ، دېیا وە لاوە

٦٦٦
فەرموود تەختە و نەرد باوەران وە جەم
ئارەزووم نەردەن ئارۊ چەنی مەم

٦٦٧
ئاوەردن تەختە نېیان وه‌ زەمین
داشان قەرار دان نە خانەی ڕەنگین

٦٦٨
دوو سێ مەراتب شانان داش نەرد
ئەمیر وات وە مەم بواچە یەک فەرد

٦٦٩
وات نمەزانوون چېش واچوو ئەمیر
بوېیەر جە گونام بۍ عوزر و تەقسیر

٦٧٠
ئەمیر وات ئېم ڕۊ دینان یار مەم
وېنەی عەجووزان باڵاش بېیەن خەم

٦٧١
گۊشش وېنەی مووش سووراخ دیوار
كەریه‌ ئه‌لمەنزەر غەلیز و مردار

٦٧٢
جەو دەم خاتوو زین مەگېلا شەراب
مەم چوون خاتوون دی جەرگش بی كەباب

٦٧٣
ڕووكەرد وە ئەمیر بە سەد قار و قین
واتش ئەی ئەمیر نادرەی گوزین

٦٧٤
یارم خاتوو زین دوخت ئەمیران
ئەمیر ئاودەل گوزیدەی شېران

٦٧٥
ھامشیرەی ئەمیر زیندین موانان
حەسرەتمەندشەن شاھان جەھان

٦٧٦
تاج‌ئەلدین ئەژنی ڕووكەرد وە ئەمیر
واتش مەواچە حەرف ناگوزیر

٦٧٧
یە چېش مەواچی مەر ھۊشت نېیەن
ھۊش و فكر و فام جە لات بەرشېیەن

٦٧٨
ئاما بە زوبان ئەمیری ئەنام
زوانم غەڵەت ئاوەرد ئی كەلام

٦٧٩
ئامام بواچوون وە مەلەک ڕڕېحان
یا خاتوون ئەستی نە شای پەریان

٦٨٠
لەنگ بی زوبانم مەندم بۍ زوبان
ئاوەردم ئېسم خاتوونی زەمان

٦٨١
ئەمیر چوون شنەفت فەرما بېقەرار
دەر سات جە دیوان بكۊشیش بزار

٦٨٢
تاج‌ئەلدین خېزا دەست دا وە خەنجەر
قەسەم بۊ بە زات پادشای ئەكبەر

٦٨٣
ھەر كەس بەرخېزۊ جە قەسر جامڕېز
خەڵاسیش نېیەن جە ئەڵماس تېز

٦٨٤
عەفۆ بەرئاما توندی كەرد نە كار
گېرتە بۍ بە دەست تېغ زەھر ئابدار

٦٨٥
ھەر كەس ئارەزووی كوشتەی مەمێ

جوربتدا و بە عه‌له‌یهی ئه‌سه‌لام كەرۊ
بیلاه‌ بە دەستم سزا ماوەرۊ