٦٠٢
واتش ئەی میران سپاھان سالار
سەرانسەر جەھان گرته‌ن گوڕەی نار
٦٠٣
ئەگەر میر بوېش نەشۊ بۍ مەدار
خانەی تاج ئەلدین سۊچۊ چەنی شار
٦٠٤
ئەمیر ئېد شنەفت ھۊرېزا وە پا
تەمام ئېحزارات ڕاھی بین نە ڕاه
٦٠٥
دیشان گوڕەی نار یاوان بە گەردوون
ڕووی سەحراش كەردەن وە زوڵمات توون
٦٠٦
جارچی جاڕش دا بېڵداران تەمام
مەردومان یاوان وە سەقف سەربام
٦٠٧
موئەزېن واناش ئەڵلاھ و ئەكبەر
بەرز بی گوڕەی نار چوون نارولسەقەر
٦٠٨
چەند ھەزار گۊزە و جلدان پەڕ ئاب
ڕېزنان نە ڕووی شەرارەی پەڕتاب
٦٠٩
تا كە درەنگێ كۊشش بی نە كار
ئاخر سەرئەنجام كوشیا كوورەی نار
٦١٠
بەڵۍ نە ئەوتاق تاج ئەلدین نە جا
ئەسبابێ نەمەند تەمام سۊچېیا
٦١١
نە ڕەخت نە ئەشیا نە ئەز حبووبات
تەمام بی وەگەرد نە ڕووی سەر بېسات
٦١٢
ئەمیر بە فەرماش وە گشت سەروەران
ئەعلا تا ئەدنا كارسازی كەران
٦١٣
خانەی تاج ئەلدین یەكسەر بی وە دوود
مەبۊ بكەریش جوملە بارووبوود
٦١٤
جە فەرمای ئەمیر ھەر كەس جە لایێ
ماڵدار و بېمال ھەر تا گەدایێ
٦١٥
كەردن بارووبوود قەرە تاج ئەلدین
كۊ كۊ زەڕ و سیم كۊ بی نە زەمین
٦١٦
دوو سێ چەندانە ماڵشان جەمكەرد
ئېلتفات میر جە حەساب وېیەرد
٦١٧
گۊش بدەر وە مەم چەنی خاتوو زین
جە سەرای ئەمیر جە یەك جودا بین
٦١٨
دەسماڵێ جە زین بە جا مەند نەو جا
بەكر پەنھان بۍ نە ئەو قەھا
٦١٩
دەردەم حازر بی ھۊرشگېرت دەسماڵ
وات مەده‌ۊش وە دەست میر بەرز ئېقباڵ
٦٢٠
ئېحزار مەجلېس گرد بی پەرېشان
ھەر كەسێ لوان وە جاگەی وېشان
٦٢١
ئەمیر ھەم ئاما نە جا گرت قەرار
تەڵەبكەرد بەكر مەردوود مردار
٦٢٢
ڕووكەرد وە بەكر ئانە یانی چېش
ئەعلا تا ئەدنا مسكین و دەروېش
٦٢٣
ئاما وە ھانای یانەی تاج ئەلدین
تۊ نامای بەو جا ڕاست واچە یەقین
٦٢٤
قەیدێ نەدارۊ نامات بەركەنار
دارا و نەدارا موفلس و ماڵدار
٦٢٥
ھەر كەس وە پای وېش كېشا غەرامەت
نە غەرامەت دای نە كېشای زەحمەت
٦٢٦
ڕووكەرد وە ئەمیر ئەمیران پېش
ئاما وە گوفتار ئەو مەرد بەدكېش
٦٢٧
كەسێ خانەی وېش بسۆچنۊ بە وېش
من پەی چېش مەدۊن غەرامەت پەرېش
٦٢٨
ئەمیر جە ڕازان بەكر بی سەرسام
واتش ڕاست واچە حاڵی بوون تەمام
٦٢٩
بەكر عەرزشكەرد تەمەناو واچۊ
ئی سوخەن جە لای شاھێ وېنەی تۊ
واتش ئەی میران سپاھان سالار
سەرانسەر جەھان گرته‌ن گوڕەی نار
٦٠٣
ئەگەر میر بوېش نەشۊ بۍ مەدار
خانەی تاج ئەلدین سۊچۊ چەنی شار
٦٠٤
ئەمیر ئېد شنەفت ھۊرېزا وە پا
تەمام ئېحزارات ڕاھی بین نە ڕاه
٦٠٥
دیشان گوڕەی نار یاوان بە گەردوون
ڕووی سەحراش كەردەن وە زوڵمات توون
٦٠٦
جارچی جاڕش دا بېڵداران تەمام
مەردومان یاوان وە سەقف سەربام
٦٠٧
موئەزېن واناش ئەڵلاھ و ئەكبەر
بەرز بی گوڕەی نار چوون نارولسەقەر
٦٠٨
چەند ھەزار گۊزە و جلدان پەڕ ئاب
ڕېزنان نە ڕووی شەرارەی پەڕتاب
٦٠٩
تا كە درەنگێ كۊشش بی نە كار
ئاخر سەرئەنجام كوشیا كوورەی نار
٦١٠
بەڵۍ نە ئەوتاق تاج ئەلدین نە جا
ئەسبابێ نەمەند تەمام سۊچېیا
٦١١
نە ڕەخت نە ئەشیا نە ئەز حبووبات
تەمام بی وەگەرد نە ڕووی سەر بېسات
٦١٢
ئەمیر بە فەرماش وە گشت سەروەران
ئەعلا تا ئەدنا كارسازی كەران
٦١٣
خانەی تاج ئەلدین یەكسەر بی وە دوود
مەبۊ بكەریش جوملە بارووبوود
٦١٤
جە فەرمای ئەمیر ھەر كەس جە لایێ
ماڵدار و بېمال ھەر تا گەدایێ
٦١٥
كەردن بارووبوود قەرە تاج ئەلدین
كۊ كۊ زەڕ و سیم كۊ بی نە زەمین
٦١٦
دوو سێ چەندانە ماڵشان جەمكەرد
ئېلتفات میر جە حەساب وېیەرد
٦١٧
گۊش بدەر وە مەم چەنی خاتوو زین
جە سەرای ئەمیر جە یەك جودا بین
٦١٨
دەسماڵێ جە زین بە جا مەند نەو جا
بەكر پەنھان بۍ نە ئەو قەھا
٦١٩
دەردەم حازر بی ھۊرشگېرت دەسماڵ
وات مەده‌ۊش وە دەست میر بەرز ئېقباڵ
٦٢٠
ئېحزار مەجلېس گرد بی پەرېشان
ھەر كەسێ لوان وە جاگەی وېشان
٦٢١
ئەمیر ھەم ئاما نە جا گرت قەرار
تەڵەبكەرد بەكر مەردوود مردار
٦٢٢
ڕووكەرد وە بەكر ئانە یانی چېش
ئەعلا تا ئەدنا مسكین و دەروېش
٦٢٣
ئاما وە ھانای یانەی تاج ئەلدین
تۊ نامای بەو جا ڕاست واچە یەقین
٦٢٤
قەیدێ نەدارۊ نامات بەركەنار
دارا و نەدارا موفلس و ماڵدار
٦٢٥
ھەر كەس وە پای وېش كېشا غەرامەت
نە غەرامەت دای نە كېشای زەحمەت
٦٢٦
ڕووكەرد وە ئەمیر ئەمیران پېش
ئاما وە گوفتار ئەو مەرد بەدكېش
٦٢٧
كەسێ خانەی وېش بسۆچنۊ بە وېش
من پەی چېش مەدۊن غەرامەت پەرېش
٦٢٨
ئەمیر جە ڕازان بەكر بی سەرسام
واتش ڕاست واچە حاڵی بوون تەمام
٦٢٩
بەكر عەرزشكەرد تەمەناو واچۊ
ئی سوخەن جە لای شاھێ وېنەی تۊ