٥٧٤
وات نېیەن چاوش ئەمیر، ئەی نازدار
بەنگین غوڵامەن یار وەفادار
٥٧٥
واتش ئەی ئەمیر نېیەن جای گوزەر
خاتوو زین جە پەشت وېت پەنھان بكەر
٥٧٦
ھەر وەقت میر ئاما مەخېزه وە پا
ئازار دارنی نەداری گوناه
٥٧٧
وست نە ڕووی قەفا خاتوون زوڵف دېز
پۊشا وە باڵا كورك قاقم بېز
٥٧٨
ناگاه چاوشان ئامان بە ئه‌یوان
دوورباش دوورباشیش یاوا بە كەیوان
٥٧٩
پیادە بی جە ئەسپ ئەمیر دەر زەمان
پا نېیا وە فەرش ئۊدەی دیوەخان
٥٨٠
سەڵام كەرد وە مەم عەلەیك دا جواب
نەخېزا وە پا خەیلێ كەرد عەتاب
٥٨١
پورسا جە ئازار ئەمیری ھەیجا
چاغی دورۊستی؟ ئەلحەمدولللاه
٥٨٢
ئاما وە گوفتار شاه نیكبەخت
واتش بە شادی بمانی وه تەخت
٥٨٣
خەیلێ ناساغم سەختەن ئازارم
جە سەختی ئازار نېیەن قەرارم
٥٨٤
دۊعا كەرد ئەمیر بە سەدق و وەفا
ئومېد ھەن خودا پېت دەرۊ شەفا
٥٨٥
مەم واتش چراغ شاھیت گڕان بۊ
تېغت جە فەرق دۊشمەن بڕان بۊ
٥٨٦
ئیكە چوون دەعوات ئەمیر بی تەمام
ئین بار تاج ئەلدین ئاما نە كەلام
٥٨٧
بە ئیشارە و ڕەمز ئاما نە گوفتار
ئیشارەتش كەرد وە مەم نە ھانوار
٥٨٨
میر سڵامش كەرد نەخېزای وە پا
بېنامووسیت كەرد وە ھەر دوو دونیا
٥٨٩
وە خوبی زوبان عەرزكەرد وە تاجدین
خەبەردارش كەرد وە حاڵات زین
٥٩٠
چوون دانا تاجدین واقف بی نە كار
خاتوون نیشانداش دوو گیسووی نازدار
٥٩١
ئیشارەتش كەرد وە عەفۆ و چەكۆ
بشۊ وە خانە بە دەوان و دۊ
٥٩٢
واچە وە ئەستی تفڵ گەھوارە
باوەرۊ وە بەر وە بۍ مەدارە
٥٩٣
ئاتش بدەرۊ سەرا و دیوەخان
خاتوون جە قەفای مەمەن جە دیوان
٥٩٤
بە بەنگینە وات بەدیە نە دیار
ھەر وەقت زاھېر بی وەنەت نوور نار
٥٩٥
ھانا باوەرە پەی میر گوزین
واچە سۊچېیا خانەی تاجەدین
٥٩٦
ئین بار بشنەوە جە عەفۆ و چەكۆ
یاوان وە خانە شېران شكۆ
٥٩٧
وارد بین وە جا ھەر دوو بە ڕاستی
مودەعا واتن وە خاتوون ئەستی
٥٩٨
بدیە چېشش كەرد خاتوون دڵبەر
نەو دەم گەھوارەش بەرئاورد وە بەر
٥٩٩
نە چەھار جانب خانە سەرانسەر
ئاھر دا ئاھر سەقف و بان و دەر
٦٠٠
شەرارەی ئاھر بەو تەور كەرد ئەسەر
گوڕەی نار یاوا وە چەرخ ئەخزەر
٦٠١
وەنەش مەعلووم بی بەنگین گوڕەی نار
ھاناش كەرد ھانا ئەو وە بۍ قەرار
وات نېیەن چاوش ئەمیر، ئەی نازدار
بەنگین غوڵامەن یار وەفادار
٥٧٥
واتش ئەی ئەمیر نېیەن جای گوزەر
خاتوو زین جە پەشت وېت پەنھان بكەر
٥٧٦
ھەر وەقت میر ئاما مەخېزه وە پا
ئازار دارنی نەداری گوناه
٥٧٧
وست نە ڕووی قەفا خاتوون زوڵف دېز
پۊشا وە باڵا كورك قاقم بېز
٥٧٨
ناگاه چاوشان ئامان بە ئه‌یوان
دوورباش دوورباشیش یاوا بە كەیوان
٥٧٩
پیادە بی جە ئەسپ ئەمیر دەر زەمان
پا نېیا وە فەرش ئۊدەی دیوەخان
٥٨٠
سەڵام كەرد وە مەم عەلەیك دا جواب
نەخېزا وە پا خەیلێ كەرد عەتاب
٥٨١
پورسا جە ئازار ئەمیری ھەیجا
چاغی دورۊستی؟ ئەلحەمدولللاه
٥٨٢
ئاما وە گوفتار شاه نیكبەخت
واتش بە شادی بمانی وه تەخت
٥٨٣
خەیلێ ناساغم سەختەن ئازارم
جە سەختی ئازار نېیەن قەرارم
٥٨٤
دۊعا كەرد ئەمیر بە سەدق و وەفا
ئومېد ھەن خودا پېت دەرۊ شەفا
٥٨٥
مەم واتش چراغ شاھیت گڕان بۊ
تېغت جە فەرق دۊشمەن بڕان بۊ
٥٨٦
ئیكە چوون دەعوات ئەمیر بی تەمام
ئین بار تاج ئەلدین ئاما نە كەلام
٥٨٧
بە ئیشارە و ڕەمز ئاما نە گوفتار
ئیشارەتش كەرد وە مەم نە ھانوار
٥٨٨
میر سڵامش كەرد نەخېزای وە پا
بېنامووسیت كەرد وە ھەر دوو دونیا
٥٨٩
وە خوبی زوبان عەرزكەرد وە تاجدین
خەبەردارش كەرد وە حاڵات زین
٥٩٠
چوون دانا تاجدین واقف بی نە كار
خاتوون نیشانداش دوو گیسووی نازدار
٥٩١
ئیشارەتش كەرد وە عەفۆ و چەكۆ
بشۊ وە خانە بە دەوان و دۊ
٥٩٢
واچە وە ئەستی تفڵ گەھوارە
باوەرۊ وە بەر وە بۍ مەدارە
٥٩٣
ئاتش بدەرۊ سەرا و دیوەخان
خاتوون جە قەفای مەمەن جە دیوان
٥٩٤
بە بەنگینە وات بەدیە نە دیار
ھەر وەقت زاھېر بی وەنەت نوور نار
٥٩٥
ھانا باوەرە پەی میر گوزین
واچە سۊچېیا خانەی تاجەدین
٥٩٦
ئین بار بشنەوە جە عەفۆ و چەكۆ
یاوان وە خانە شېران شكۆ
٥٩٧
وارد بین وە جا ھەر دوو بە ڕاستی
مودەعا واتن وە خاتوون ئەستی
٥٩٨
بدیە چېشش كەرد خاتوون دڵبەر
نەو دەم گەھوارەش بەرئاورد وە بەر
٥٩٩
نە چەھار جانب خانە سەرانسەر
ئاھر دا ئاھر سەقف و بان و دەر
٦٠٠
شەرارەی ئاھر بەو تەور كەرد ئەسەر
گوڕەی نار یاوا وە چەرخ ئەخزەر
٦٠١
وەنەش مەعلووم بی بەنگین گوڕەی نار
ھاناش كەرد ھانا ئەو وە بۍ قەرار