٥١٨
ھۊرگېڵا لوا ئەمیر نامدار
شی بە جاگەی وېش خاتوون نازدار
٥١٩
دۊعاش كەرد ئەمیر بە ئەندووهی دڵ
یا ڕەب ڕەحمەتێ جه سەر كەی نازڵ
٥٢٠
بەڵۍ پەی دەفع جوود غوبار بۊ
دەماغ شكار ئەمیر ئېزھار بۊ
٥٢١
بە ئەمر فەرمان لامەكان فەرد
مەقروون جە ھەدەف ئېجابەت وېیەرد
٥٢٢
ئەو شه‌و بارانێ نزوول كەرد جەبار
موزەیەن كەردش دەشت و كۊھسار
٥٢٣
سەحەر ئەمیر وات بېیاران یار
جاڕدەن وە شار دا مەشوون وە شكار
٥٢٤
چاوشان جاڕدان یانە بە یانە
جە ئەھل جزیر خوېش و بېگانە
٥٢٥
حازر بان تەمام جە ئەھل شكار
ھیچ كەس جە یانە نەگېرۊ قەرار
٥٢٦
دان نە تەپڵی باز كۊچەها بەندن
كڵاوە جە فەرق شاھېنان سەندن
٥٢٧
مەم كە سەرڕاو بی نەیاما بە وەر
میر پورسا جە مەم چېش ئاما بەسەر
٥٢٨
تاج ئه‌لدین واتش میر بۍ نەزیر
مەم ئازاردارەن عاجز و زویر
٥٢٩
نمەتاوۍ به‌یۊ ئېم ڕۊ وە شكار
ماتەمەن دڵگیر، زایف و زگار
٥٣٠
ئەمیر چوون شنەفت وات ئاوازكەران
بېیان ئەو دما تەمام نۊكەران
٥٣١
نمەشوون بۍ مەم ئېم ڕۊ وە شكار
بگېڵان ئەو پەس پېیادە و سوار
٥٣٢
ئاما وە گوفتار تاج ئەلدین جە نۊ
واتش دەوڵەتت یار بۊ ڕۊ بە ڕۊ
٥٣٣
واپەس نەگەردان سواران ڕاو
جە تەنخوای ئەمیر بەنگین بۊ سەرڕاو
٥٣٤
ھەر وەقت كە ئەمیر شفا یاوا پېش
ئەڵبەت بە شكار میاوۊ پەی وېش
٥٣٥
قەبووڵكەرد گوفتار تاج ئەلدین ھەمان
لەشكەر تەمامی ڕەوان بی ڕەوان
٥٣٦
ئین بار جەودەم دا خاتوون گوزین
ئاما وە بیروون چوون ماھه و پەروین
٥٣٧
یاوا بە خدمەت ئەمیر دۆڵبەر
نېشتن چەنی ھەم چوون شەھد و شەكەر
٥٣٨
شین نە ڕووی دۊشەك لەحاف زەڕین
كەردشان ڕازان وېیەردەی وەرین
٥٣٩
پەرېشان كەردن سونبۊڵ چەنی گوڵ
بوڵبوڵ مېنقار ژەند نە ڕووی پەڕەی گوڵ
٥٤٠
چەھچەھە و ھەزار دەم وە پەڕەی گوڵ
عەندەلیب ماچۊ مراد بی حاسڵ
٥٤١
عەیشێ سازنان دوو عاشق زار
قەند چەنی شەكەر و لەب كەردن بار
٥٤٢
ئەر كەسێ مەشی نەو ڕاهـ ڕاهگوزار
نەبات چەنی قەند مەبیش و نسار
٥٤٣
تېغی زەھراڵوود جە نافە بوار
قرار دا نە بەین دوو یار دوو دوڵدار
٥٤٤
نمەز چېش واچوون سەرئەنجام كار
ھەر دوو شین نە خواب ڕاحەت بۍ قەرار
٥٤٥
لەب وە بان لەب وە ھەم پەیوەستن
نەم نە سەرچەشمەی حەیوان بەستن
ھۊرگېڵا لوا ئەمیر نامدار
شی بە جاگەی وېش خاتوون نازدار
٥١٩
دۊعاش كەرد ئەمیر بە ئەندووهی دڵ
یا ڕەب ڕەحمەتێ جه سەر كەی نازڵ
٥٢٠
بەڵۍ پەی دەفع جوود غوبار بۊ
دەماغ شكار ئەمیر ئېزھار بۊ
٥٢١
بە ئەمر فەرمان لامەكان فەرد
مەقروون جە ھەدەف ئېجابەت وېیەرد
٥٢٢
ئەو شه‌و بارانێ نزوول كەرد جەبار
موزەیەن كەردش دەشت و كۊھسار
٥٢٣
سەحەر ئەمیر وات بېیاران یار
جاڕدەن وە شار دا مەشوون وە شكار
٥٢٤
چاوشان جاڕدان یانە بە یانە
جە ئەھل جزیر خوېش و بېگانە
٥٢٥
حازر بان تەمام جە ئەھل شكار
ھیچ كەس جە یانە نەگېرۊ قەرار
٥٢٦
دان نە تەپڵی باز كۊچەها بەندن
كڵاوە جە فەرق شاھېنان سەندن
٥٢٧
مەم كە سەرڕاو بی نەیاما بە وەر
میر پورسا جە مەم چېش ئاما بەسەر
٥٢٨
تاج ئه‌لدین واتش میر بۍ نەزیر
مەم ئازاردارەن عاجز و زویر
٥٢٩
نمەتاوۍ به‌یۊ ئېم ڕۊ وە شكار
ماتەمەن دڵگیر، زایف و زگار
٥٣٠
ئەمیر چوون شنەفت وات ئاوازكەران
بېیان ئەو دما تەمام نۊكەران
٥٣١
نمەشوون بۍ مەم ئېم ڕۊ وە شكار
بگېڵان ئەو پەس پېیادە و سوار
٥٣٢
ئاما وە گوفتار تاج ئەلدین جە نۊ
واتش دەوڵەتت یار بۊ ڕۊ بە ڕۊ
٥٣٣
واپەس نەگەردان سواران ڕاو
جە تەنخوای ئەمیر بەنگین بۊ سەرڕاو
٥٣٤
ھەر وەقت كە ئەمیر شفا یاوا پېش
ئەڵبەت بە شكار میاوۊ پەی وېش
٥٣٥
قەبووڵكەرد گوفتار تاج ئەلدین ھەمان
لەشكەر تەمامی ڕەوان بی ڕەوان
٥٣٦
ئین بار جەودەم دا خاتوون گوزین
ئاما وە بیروون چوون ماھه و پەروین
٥٣٧
یاوا بە خدمەت ئەمیر دۆڵبەر
نېشتن چەنی ھەم چوون شەھد و شەكەر
٥٣٨
شین نە ڕووی دۊشەك لەحاف زەڕین
كەردشان ڕازان وېیەردەی وەرین
٥٣٩
پەرېشان كەردن سونبۊڵ چەنی گوڵ
بوڵبوڵ مېنقار ژەند نە ڕووی پەڕەی گوڵ
٥٤٠
چەھچەھە و ھەزار دەم وە پەڕەی گوڵ
عەندەلیب ماچۊ مراد بی حاسڵ
٥٤١
عەیشێ سازنان دوو عاشق زار
قەند چەنی شەكەر و لەب كەردن بار
٥٤٢
ئەر كەسێ مەشی نەو ڕاهـ ڕاهگوزار
نەبات چەنی قەند مەبیش و نسار
٥٤٣
تېغی زەھراڵوود جە نافە بوار
قرار دا نە بەین دوو یار دوو دوڵدار
٥٤٤
نمەز چېش واچوون سەرئەنجام كار
ھەر دوو شین نە خواب ڕاحەت بۍ قەرار
٥٤٥
لەب وە بان لەب وە ھەم پەیوەستن
نەم نە سەرچەشمەی حەیوان بەستن