٣٢٢
په‌رسا جە ئیشان عەزم كۊ دارید
ڕه‌زاتان وە كۊن ڕە وە كۊ دارید
٣٢٣
دیارەن بوزورگ عەزیم ئه‌لشانید
پەنەم بواچان ئەگەر مېھمانید
٣٢٤
ئاما بجواب بەنگینە دەرحاڵ
واتش ئەی خاتوون ساحب زوڵف و خاڵ
٣٢٥
مەھامی داروون جە شەھر جزیر
ئەمن غوڵامم ئی جەوان ئەمیر
٣٢٦
ئەگەر نەسیب بۊ ھەر دوو مېھمانیم
مېھمان بەكر مەلەك ڕېحانیم
٣٢٧
مەلەك چوون شنەفت بەرشی جە ھۊش
وات منم رېحان وه‌ش ئامانان(ئامان) وه‌ش
٣٢٨
بشان بیانە پېیا بان جە زین
ئەڵبەت میاوون په‌‌یتان من قەرین
٣٢٩
كەنیزێ دەردەم پەی رەنمایی
كیاست چەنیشان پەی عوزرخواھی
٣٣٠
یاوان وە قۊناغ بەكر بۍ مەدار
جە یانە نەبۍ بەكر مردار
٣٣١
مودەتێ مدران ھەر دوو بە سوار
كەس نەدین وە چەم ئەو ھەر دوو نامدار
٣٣٢
پېچاشان عەنان ھەر دوو ھەمقەرین
تا شین وە خانەی قەرە تاجەدین
٣٣٣
پا فروود ئاوەرد بەرئامان جە زین
غوڵامان بەدەو ئامان نە كەمین
٣٣٤
ئەسپشان بەردن وە یەختەخانە
ئامان وە پېشواز خوېش و بېگانە
٣٣٥
كەردشان مۊبەت عزەت نمانان
بە ڕه‌سم و ئاداب شاھان جەھان
٣٣٦
خېرئامایش كەرد تاجدین دوڵدار
فەڕتان ئاوەرد بە خێر ھەزار بار
٣٣٧
وەقت شام ئاما تەعام ئاوەردن
بە سەد ئېلتزاز نۊش جان كەردن
٣٣٨
یەكدەم جە ئیشان نەكەریم گوفتار
جە ئامای ڕېحان سوخەن كەین ئېزھار
٣٣٩
یاوا بخانە مەلەك بە دەوان
نشانێ نەدی نەو ھەر دوو جەوان
٣٤٠
یەك دایانش بۍ عەجووزەی دەوران
فیتنەی شەڕئەنگېز نە ھەر دوو جەھان
٣٤١
پورسا ئەخبارات بەنگینە و ئەمیر
بته‌عجیل و تاب جە ئەو زاڵ پیر
٣٤٢
واتش ئەی فەرزەند حوور ڕزوانی
ئامان سواران یوسف سانی
٣٤٣
ھەر دوو ساعەتێ مدران بە سوار
دەییارێ نەبی پېشان دۊ ئەخبار
٣٤٤
جە یانە نەبۍ بەكر ئاغای پدەر
ھەر دووشان دەردەم بەربشین وە به‌ر
٣٤٥
جە سەرای تاجدین پېیا بین جە زین
مېھمان بە ئەون دوو مەرد پڕ كین
٣٤٦
مەلەك چوون ئەژنی دەستكەرد وە فریاد
فەریاد بۍ شۆ واوەیلای بېداد
٣٤٧
خەیلێ ئەو وە بەخت بەكر نەفرین كەرد
پەیاپەی كېشا دەم دەم ئاه سەرد
٣٤٨
فائدەش نەبی خامۊش بی پەی وېش
ساكن بی نە جەور زوېر و دڵڕېش
٣٤٩
ئین بار بشنەوە ئەمیری نامدار
جە سەرای تاجدین چوون گرتش قەرار
په‌رسا جە ئیشان عەزم كۊ دارید
ڕه‌زاتان وە كۊن ڕە وە كۊ دارید
٣٢٣
دیارەن بوزورگ عەزیم ئه‌لشانید
پەنەم بواچان ئەگەر مېھمانید
٣٢٤
ئاما بجواب بەنگینە دەرحاڵ
واتش ئەی خاتوون ساحب زوڵف و خاڵ
٣٢٥
مەھامی داروون جە شەھر جزیر
ئەمن غوڵامم ئی جەوان ئەمیر
٣٢٦
ئەگەر نەسیب بۊ ھەر دوو مېھمانیم
مېھمان بەكر مەلەك ڕېحانیم
٣٢٧
مەلەك چوون شنەفت بەرشی جە ھۊش
وات منم رېحان وه‌ش ئامانان(ئامان) وه‌ش
٣٢٨
بشان بیانە پېیا بان جە زین
ئەڵبەت میاوون په‌‌یتان من قەرین
٣٢٩
كەنیزێ دەردەم پەی رەنمایی
كیاست چەنیشان پەی عوزرخواھی
٣٣٠
یاوان وە قۊناغ بەكر بۍ مەدار
جە یانە نەبۍ بەكر مردار
٣٣١
مودەتێ مدران ھەر دوو بە سوار
كەس نەدین وە چەم ئەو ھەر دوو نامدار
٣٣٢
پېچاشان عەنان ھەر دوو ھەمقەرین
تا شین وە خانەی قەرە تاجەدین
٣٣٣
پا فروود ئاوەرد بەرئامان جە زین
غوڵامان بەدەو ئامان نە كەمین
٣٣٤
ئەسپشان بەردن وە یەختەخانە
ئامان وە پېشواز خوېش و بېگانە
٣٣٥
كەردشان مۊبەت عزەت نمانان
بە ڕه‌سم و ئاداب شاھان جەھان
٣٣٦
خېرئامایش كەرد تاجدین دوڵدار
فەڕتان ئاوەرد بە خێر ھەزار بار
٣٣٧
وەقت شام ئاما تەعام ئاوەردن
بە سەد ئېلتزاز نۊش جان كەردن
٣٣٨
یەكدەم جە ئیشان نەكەریم گوفتار
جە ئامای ڕېحان سوخەن كەین ئېزھار
٣٣٩
یاوا بخانە مەلەك بە دەوان
نشانێ نەدی نەو ھەر دوو جەوان
٣٤٠
یەك دایانش بۍ عەجووزەی دەوران
فیتنەی شەڕئەنگېز نە ھەر دوو جەھان
٣٤١
پورسا ئەخبارات بەنگینە و ئەمیر
بته‌عجیل و تاب جە ئەو زاڵ پیر
٣٤٢
واتش ئەی فەرزەند حوور ڕزوانی
ئامان سواران یوسف سانی
٣٤٣
ھەر دوو ساعەتێ مدران بە سوار
دەییارێ نەبی پېشان دۊ ئەخبار
٣٤٤
جە یانە نەبۍ بەكر ئاغای پدەر
ھەر دووشان دەردەم بەربشین وە به‌ر
٣٤٥
جە سەرای تاجدین پېیا بین جە زین
مېھمان بە ئەون دوو مەرد پڕ كین
٣٤٦
مەلەك چوون ئەژنی دەستكەرد وە فریاد
فەریاد بۍ شۆ واوەیلای بېداد
٣٤٧
خەیلێ ئەو وە بەخت بەكر نەفرین كەرد
پەیاپەی كېشا دەم دەم ئاه سەرد
٣٤٨
فائدەش نەبی خامۊش بی پەی وېش
ساكن بی نە جەور زوېر و دڵڕېش
٣٤٩
ئین بار بشنەوە ئەمیری نامدار
جە سەرای تاجدین چوون گرتش قەرار