٢٠١
جوابدا ئەمیر کەی شاهـ سەرمەد
نمەتاو واچوو مەسۊچۊ جەسەد
٢٠٢
ئەر باروو نامش ئارۊ بزوبان
بېشک مەسۊزۊ ڕېزەی ئېستوخوان
٢٠٣
چوونکه بەی دەستوور حاجەت مەکەی لېم
قەڵەم دەواتێ باوەران پەرېم
٢٠٤
ئاوەردن کاغەز قەڵەم و دەوات
تەحریرکەرد دەردەم شەرح واقعات
٢٠٥
داش و دەست شاهـ وانا سەرانسەر
ئاهر وست نە جەرگ پادشا و لەشکەر
٢٠٦
پادشا چوون حاڵ دەروونش زانا
ڕووکەرد وە قاپی قەیۊم دانا
٢٠٧
دۊعاکەرد یا ڕەب ئی سەودای باتڵ
باندەک وەقتێ بەرداریش نە دڵ
٢٠٨
باز وات ئەی فەرزەند نوور چەمانم
نادرەی دەوران نە ڕووی جەهانم
٢٠٩
بە قەوڵ مەردوود شەیتان ئه‌لڕەجیم
دڵ و دەروونت په‌ڕکەردەن جە بیم
٢١٠
لەعنەت بکەر لېش مەکەر ئه‌ی خەیاڵ
خەیاڵ فاسد جە دڵ کەر بەتاڵ
٢١١
یە فکر خامەن ئارەزووت کەردەن
سەرئەنجام نېیەن تا وە ڕۆی مەردەن
٢١٢
تەخت و تاج وېت بەرمەدەر جە دەست
وە چنگ دوشمەن نە خاک مەبی پەست
٢١٣
نە ئەرباب تۊن ئی هەرزەکاری
ئی سەودای بېسوود ڕای نادیاری
٢١٤
ئەر ڕاست مواچی عېشقت ها نە سەر
کەیلەن جە گوڵزار پەی تۊ دەشت و دەر
٢١٥
نە هەر شەبۊستان شاهی مەوازی
پەرېت باوەروون یەکێ دڵوازی
٢١٦
هەر جە خاک ڕووم، عەرەب تا عەجەم
پەردەنشینان بزورگان جەم
٢١٧
مەیلت وە هەر کەس جاگیر مەبۊ جا
وە ماڵ دونیا و زۊر سوپاهـ
٢١٨
وە ئەندەک زەمان باوەروون پەرېت
ساکن بەر ئەنبار، تۊ نە جاگەی وېت
٢١٩
ئەمیر چوون ئەژنی سوخەنان تەمام
زاریش بوڵەند کەرد نە ڕووی خاس و عام
٢٢٠
واتش ئەی پدەر تاج سەروەران
با خەبەر جە سڕ دەوران جەهان
٢٢١
دڵ پەی دڵبەرێ ئارام گېرۊ
بوەسڵ غەیرێ کەی کام گېرۊ
٢٢٢
ئەگەر سەد هەزار مەحبووب باوەران
نە ڕەوزەی ئېرەم مەشاتەش کەران
٢٢٣
غەیر جە خاتوو زین زوڵفان چوون زەنجیر
مەیل نېیەن وە دوخت پادشا و وەزیر
٢٢٤
خامۊش بەر هەنی جەی حەرف و کەلام
ئېده‌عام ئېدەن باقی وەسەلام
٢٢٥
پادشا زانا هیچ نەدارۊ چار
فارغ بی جە قەوڵ ڕازان و گوفتار
٢٢٦
زویر و مەلاڵ غەمگین دڵرېش
لوا وە ئوتاق ساکن بی پەی وېش
٢٢٧
ئەوشۆ وە سەر بەرد و سەد نەدامەت
ئەسەر داوەنەش هەزار قیامەت
٢٢٨
سوب سەحەر بە وەقت شۊڵەی شەوق نوور
یاران تەڵەب کەرد دیسان بە زەروور
٢٢٩
ئاما وە گوفتار ڕوو کەرد نە سوپا
دەرمانش چېشەن بکەران دەوا
٢٣٠
عېلاجێ کەران پەی ڕەزای خودا
بەر بشۊش نە دڵ ئی شۊر و غەوغا
٢٣١
ئامان وە سوخەن بوزورگان کار
ئەر بە قەوڵمان تۊ مەکەری کار؟
٢٣٢
تەدبیرش ئېدەن ئېد مەیۊ وە کار
وەرنە غەیرە زین هیچ نەدارۊ چار
٢٣٣
چەند جە ئەمیران خاسەی شەهریار
تەعیینکەر چەنی دە هەزار سوار
٢٣٤
ڕاهی بۊ ڕەوان ئەو وە بېقەرار
پەنج قۊناغ بشان چەنیش بۍ مەدار
٢٣٥
نە هەر مەنزڵێ دوو هەزار سوار
بگېڵانەوە مەخفی نەو دیار
٢٣٦
تا پەنجەم قۊناغ وېش مەمانۊ وېش
وېش هەم مەگڵېڵۊ زویر و دڵرېش
٢٣٧
نادم مەمانۊ جە کەردەی ئی کار
دەست بەرمەدارۊ جەی کار و بازار
جوابدا ئەمیر کەی شاهـ سەرمەد
نمەتاو واچوو مەسۊچۊ جەسەد
٢٠٢
ئەر باروو نامش ئارۊ بزوبان
بېشک مەسۊزۊ ڕېزەی ئېستوخوان
٢٠٣
چوونکه بەی دەستوور حاجەت مەکەی لېم
قەڵەم دەواتێ باوەران پەرېم
٢٠٤
ئاوەردن کاغەز قەڵەم و دەوات
تەحریرکەرد دەردەم شەرح واقعات
٢٠٥
داش و دەست شاهـ وانا سەرانسەر
ئاهر وست نە جەرگ پادشا و لەشکەر
٢٠٦
پادشا چوون حاڵ دەروونش زانا
ڕووکەرد وە قاپی قەیۊم دانا
٢٠٧
دۊعاکەرد یا ڕەب ئی سەودای باتڵ
باندەک وەقتێ بەرداریش نە دڵ
٢٠٨
باز وات ئەی فەرزەند نوور چەمانم
نادرەی دەوران نە ڕووی جەهانم
٢٠٩
بە قەوڵ مەردوود شەیتان ئه‌لڕەجیم
دڵ و دەروونت په‌ڕکەردەن جە بیم
٢١٠
لەعنەت بکەر لېش مەکەر ئه‌ی خەیاڵ
خەیاڵ فاسد جە دڵ کەر بەتاڵ
٢١١
یە فکر خامەن ئارەزووت کەردەن
سەرئەنجام نېیەن تا وە ڕۆی مەردەن
٢١٢
تەخت و تاج وېت بەرمەدەر جە دەست
وە چنگ دوشمەن نە خاک مەبی پەست
٢١٣
نە ئەرباب تۊن ئی هەرزەکاری
ئی سەودای بېسوود ڕای نادیاری
٢١٤
ئەر ڕاست مواچی عېشقت ها نە سەر
کەیلەن جە گوڵزار پەی تۊ دەشت و دەر
٢١٥
نە هەر شەبۊستان شاهی مەوازی
پەرېت باوەروون یەکێ دڵوازی
٢١٦
هەر جە خاک ڕووم، عەرەب تا عەجەم
پەردەنشینان بزورگان جەم
٢١٧
مەیلت وە هەر کەس جاگیر مەبۊ جا
وە ماڵ دونیا و زۊر سوپاهـ
٢١٨
وە ئەندەک زەمان باوەروون پەرېت
ساکن بەر ئەنبار، تۊ نە جاگەی وېت
٢١٩
ئەمیر چوون ئەژنی سوخەنان تەمام
زاریش بوڵەند کەرد نە ڕووی خاس و عام
٢٢٠
واتش ئەی پدەر تاج سەروەران
با خەبەر جە سڕ دەوران جەهان
٢٢١
دڵ پەی دڵبەرێ ئارام گېرۊ
بوەسڵ غەیرێ کەی کام گېرۊ
٢٢٢
ئەگەر سەد هەزار مەحبووب باوەران
نە ڕەوزەی ئېرەم مەشاتەش کەران
٢٢٣
غەیر جە خاتوو زین زوڵفان چوون زەنجیر
مەیل نېیەن وە دوخت پادشا و وەزیر
٢٢٤
خامۊش بەر هەنی جەی حەرف و کەلام
ئېده‌عام ئېدەن باقی وەسەلام
٢٢٥
پادشا زانا هیچ نەدارۊ چار
فارغ بی جە قەوڵ ڕازان و گوفتار
٢٢٦
زویر و مەلاڵ غەمگین دڵرېش
لوا وە ئوتاق ساکن بی پەی وېش
٢٢٧
ئەوشۆ وە سەر بەرد و سەد نەدامەت
ئەسەر داوەنەش هەزار قیامەت
٢٢٨
سوب سەحەر بە وەقت شۊڵەی شەوق نوور
یاران تەڵەب کەرد دیسان بە زەروور
٢٢٩
ئاما وە گوفتار ڕوو کەرد نە سوپا
دەرمانش چېشەن بکەران دەوا
٢٣٠
عېلاجێ کەران پەی ڕەزای خودا
بەر بشۊش نە دڵ ئی شۊر و غەوغا
٢٣١
ئامان وە سوخەن بوزورگان کار
ئەر بە قەوڵمان تۊ مەکەری کار؟
٢٣٢
تەدبیرش ئېدەن ئېد مەیۊ وە کار
وەرنە غەیرە زین هیچ نەدارۊ چار
٢٣٣
چەند جە ئەمیران خاسەی شەهریار
تەعیینکەر چەنی دە هەزار سوار
٢٣٤
ڕاهی بۊ ڕەوان ئەو وە بېقەرار
پەنج قۊناغ بشان چەنیش بۍ مەدار
٢٣٥
نە هەر مەنزڵێ دوو هەزار سوار
بگېڵانەوە مەخفی نەو دیار
٢٣٦
تا پەنجەم قۊناغ وېش مەمانۊ وېش
وېش هەم مەگڵېڵۊ زویر و دڵرېش
٢٣٧
نادم مەمانۊ جە کەردەی ئی کار
دەست بەرمەدارۊ جەی کار و بازار