دڵ وه زەنجیر فەراقت راهـ ئازادیش بەنه
کار دڵ هەردەم وه دووریت، داد و ئاهـ و شیوەنه

داد وه بەدعەهدی خووبان هەر کەسی دیرید وەلی
گووش گەردوون ستەمگەر کەڕ وه فەریاد مەنه

دڵ وه فەریاد و فوغان کرد خیش و بیگانه مەلوول
بی‌وەفا! ئایا دڵ تۆ سەنگ سەخت، یا ئاهەنه

سەنگ ئومید وساڵت شیشەیی سەبرم شکاند
بەرق شەمشیر فەراقت قاتڵ گیان و تەنه

خوەم عەجەب دیرم وە تاڵەی شووم کەچ‌بنیاد خوەم
میهرەبانی گەرد هەر کەس کەم، وه گەردم دوشمەنه

بی‌سەبەب سەرگەشته مەجنوون چی وه سەحرای جنوون
مەر نەزانست ڕەسم خووبان بی‌وەفایی کەردەنه؟

تا دەم مردن دەمادەم، دەم وە دیدار تو دەم
تا بزانی دڵ ئەسیر چاه غەم، چون بیژەنه

گیان وەچەنگاڵ فەراقی دەر نیەکەی «شامی!» نەکە!
داد وە بەدعەهدی خووبان، مایەیی خوون خوەردەنه