خاسـە کــەوی دڵپـڕی باغـی سەرێ
قاسـپــە نەکەی ڕاوچیە دێتە دەرێ

ماوەیـەکـە خـۆی لە تۆ هەڵـخستوە
شـەرمو بەزەی کوانێ لەشی داوەرێ

هـەر نـەبێ باڵــێ دە لە دڵـدارەکەت
هـــەڵ بــفـڕن تـا بــەری تـاژانـدەرێ

چۆن بەتۆڕەحمی هەبێ ڕاوچی خراو
بـۆ لـەتـێ سێـو داڕنـێ باخـی بەرێ

ڕاو بـکـرێی مـەرگـی شێـعر پێ دەگا
نابـێ وشــە و قاسپە لـە باغ هەڵوەرێ

بۆ دەبــێ ڕاوت بکــا یـا بتکــووژێ
با لەجێ ڕاو کەیفێ لە دەنگـت بەرێ

کەو وەکوو کورد وایەدەنادوژمنی
هەردەبێ چۆل کاتەوەپشت سەنگەرێ

هەر کەسێ بێ هۆ لەکەوان ڕادەسێ
دەست و تفەنگی لە مەچەک وەرگرێ

جوانـی و دەنـگ خۆشـییە تـاوانی تۆ
کوا بۆ قەلی ڕەش دەگـرن لەمپەرێ؟

بم بە قەزای سۆز و لـەرەی خاسە کەو
نرخی دەمت زاڵـە بە سـەر گـەوهەرێ

لێـت دەگـرێ سـێـرە بـە چـاوی ڕەشـی
دەست و گلـێـنەی هەر دو چاوی دەرێ

بـۆ تـەپـکـە جاڕی دڵـی مـن هـەڵفــڕە
باغێـکی ئەمنە و نرخی چۆتە سـەرێ

قاسپە لـە کەو مەبڕە بۆ خوانی ژەمێ
داو بـۆ دوژمـن دابـنــە هـۆڵــی کـەرێ

بـێـتە‌وە بـژوێـن و چـیـا خـاسـه کـه‌و
پـیـاوی ده‌وێ لــه‌م ده‌ڤــه‌ره دەربـەرێ