ئاڵەکۆک

عەبدوڵڵا گۆران add_a_photo
گۆران فرمێسک و هونەر
٤. جواب بۆ جەناب
ئەی «ژیان» پاش شکایەتی دووری؛
ماچ کە چاوی جەنابی شێخ نووری!
ماچ کە چاوی بە تاسەوە، کە جەناب
دەرسی ئەووەڵ گەیشتە خەتمی کیتاب!...
ڕستە شیعری ڕەواج و قیمەتدار،
باوکی تۆ بوو بنێری بۆ بازاڕ،
ڕاستە ئێستەش بە دۆسیە و دەفتەر
داخراوە لە مێشکی شەش دەر...
لاکین ئاخۆ چ شاعیرێکی تر،
شیعرە پیشەی بە دائیمی، سەرومڕ؟
باوکتە، تۆی، منم، ئەمە یا ئەو
هەوڵی: نانە بە ڕۆژ و شیعرە بە شەو
چارەنووسی بەشی ئەزەلمان، داد،
پیشەیە کە شیعروتن: بەرباد!
«مع ما فیه» تەبیعەتی شاعیر،
نە وەزیفە و زەروورەتی قاهیر،
نە بڕینی زمان و پەل بەستن
بولبولی مەنع ئەکا لە مەیلی وتن!

پەراوێز edit