تەورێزی خۆش و گەورە، ھەتا عەسری پێنجەمین
واتە و وشەی بە کوردییە بوو، ڕێک و دڵ نشین
ئەو شارە گەورە قەومی تری تیا نەبوو مەکین
چۆن ھاتنە جێی ئەمانە ئەوانەی لەوێ ئەژین؟
حەوتەم عەسر کە حکوومەتی ئیلخانی ھاتە ناو
گۆڕا و دەرکرا گەلی کوردی لەیەک بڕاو
ئەم لاپەڕە لە مێژووی کوردا ڕەشە و غەشە
زانیاریی کورد لە شۆڕەشی ئەو دەورە بێ بەشە
بۆ عەلەمی پان و بەرز و بڵاوت کە زۆر گەشە
نووسین و نەشری لازمە ئەم حادیسەی ڕەشە
قەوم و گەلی لە کۆمەڵی تردا توانەوەی
پێویست بە مێژوویێکە بۆ ھاوخوێن و بۆ نەوەی