دوێشەوێ دیم کە مەلاییک لە دەری مەیخانە
قوڕی باب ئادەمیان دا لە دڵی پەیمانە

بە حەیا و شەرمی سەراپەردەنشینی مەلەکووت
بوونە هاوڕێی من و هاوبەش لە مەیی مەستانە

عاسمان باری سپاردەی نەتوانیبوو کەچی
قورعە هێنایە دەرێ نێوی منی دێوانە

خوا شکور ئاشتی لە بەینی من و ئەودا ڕویدا
سۆفی ڕەخسین و مەیان خواردەوە لەو شوکرانە

چۆن کڵاو نەچتە سەری ئێمە بە سەد خەرمان شک
بابەدەم هەڵخەڵەتا کاتێ بەهۆی یەکدانە

شەڕی حەفتا و دوو میللـەت هەڵە بوو گوێ مەدەیە
بە حەقیقەت نەگەین کەوتنە نێو ئەفسانە

ئەوە ئاور نییە وا شەم بە گڕی پێبکەنێ
بەڵکە ئاور ئەوەیە بەربێ لە کۆی پەروانە

لای نەدا پەردە لە ڕووی نوکتە چ کەس وەک حافز
لەوەتی بووکی غەزەل داویە لە زولفی شانە