ئەو چەنگ و عوودە حاڵی ئەبی چی بەیان ئەکەن
بادەی نهێن بخۆنەوە، تەنبێی عەیان دەکەن

شەوقی ئەوین و زەوقی ئەوینداری نایەڵن
لۆمەی جەوان و سەرزەنشی پیرەکان ئەکەن

دەشڵێن مەڵێ و مەبیسە لە ڕەمزی ئەوین هەواڵ
چاو لەو حیکایەتەی کە چلۆنی گران ئەکەن

ئێمەی لە پشتی پەردەوە سەد جار فریودراو
ئاخۆ لە ژووری پەردەوە بیری چمان ئەکەن

دیسان مڵۆزمی پیرەکەیانن مریدەکان
بڕوانە سالیکان چ لە پیری موغان ئەکەن

سەد ئابڕوو بە نیو نەزەر ئاسانە سەندنی
جوانان ئەگەر ئەو موعامەلە ناکەن زیان ئەکەن

هێندێک دەڵێن بە هەوڵە گەیشتن بە وەسڵی یار
هێندێک شکایەتێ لە گەڕی ئاسمان ئەکەن

ئەمما ئەتۆ بەقا بە دەوامی زەمان مەکە
گۆڕینی ئەو مەکینەی گۆرین بە ئان ئەکەن

ئاکامی کاریان دڵی تاریکە، ئێستەکەش
ئیکسیری بەو خەیاڵی عەبەسیان قەپان ئەکەن

مەی لێدە شێخ و حافز و موفتی و گزیری شار
تێفکری هەر بە فێڵ و درۆیان ژیان ئەکەن