دەستە دەستە بە سەفن^١ لەشکری ئەگریجە بەڕێز
عیشق و عەقڵم لەگەڵ ئەو دەستە دەکەن جەنگ و گورێز

قەدی ئاڵایە کە هاڵاوەتە ڕوخسار و برۆ
شێر و خورشیدە عەلامەت، چ جوانە، چ بەڕێز

ئەفسەری لەشکری ئەگریجە دوو چاوی جەنگین
هەر دەوەنگێوێ^٢ بە تیری موژە، هەردوو خوێنڕێژ

سەنگەری غەمزە دەبەستن لە کەمینگای چاوان
وەکوو ڕاوچین و دەبەن بۆ دڵی زارم پارێز

خوسرەوی سەڵتەنەتی موڵکی وجوودە عیشقی
عەقڵەکەم مەرکەبی خۆشرەویەتی، چەشنی شەودێز