ئافه‌تی گیان و دڵی 'کامیل' جه‌ماڵی دڵبه‌ره‌
قاتڵی بێ ڕه‌حم و مه‌ستم چاوی کاڵی دڵبه‌ره‌

کوشتمی، چابوو به‌ ماچی لێوی زیندووی کردمه‌وه‌
قووتی گیانم مشتنی دوو لێوی ئاڵی دڵبه‌ره‌

زولفی داوی عاشقان و کوڵمی جێ ڕاوگه‌ی دڵان
دانه‌خۆره‌ن بولبولان له‌و جووته‌ خاڵی دڵبه‌ره‌

سیپه‌لاکم ڕه‌ش بووه‌، نه‌مدیوه‌ مانگی یه‌کشه‌وه‌
ڕۆژی جه‌ژنم دیتنی ئه‌برۆی هیلالی دڵبه‌ره‌

ئه‌ی 'ئیمامی'! بۆ جوانی تابڵێی بێ وێنه‌یه‌
عاقڵێکی واشه‌، دڵ ماتی که‌ماڵی دڵبه‌ره‌