ئەو کەسەی ئەمنی بەجێ هێشت بێ خەتا، یادی بەخێر!
ئەوکەسەی ئەمنی بە خەم کرد موبتەلا، یادی بەخێر!
ئەو کوڕەی جەرگ و دڵی بابی کەباب کرد و هەڵات،
وا بە ئاوری دووری برژاندی، کووا؟ یادی بەخێر! ^١

یاخوا هەر بژی ئەی ڕۆڵەی بەڕێز!
نامه دەنووسی بۆ لام به پارێز!
کوا دایک و بابت له تۆ ناڕازین؟
لە تاو تۆ گیانه نەیانماوه هێز

له نزیک بەهار تین بۆ لەشم هات
کۆرپەی خۆشەویست بۆ باوەشم هات
ئەو کۆرپه چ بوو؟ نامەی کوڕی چاک^٢
زۆر خۆشەویست بوو که هات بۆ 'ئاوات'

لە باوەشم گرت ئەو کۆرپە جوانە
بۆ پیری وەک من مایەی ژیانە
یاخوا هەر بژی، مەرگت نەبینم
ژینی بەخۆشیت بۆمن دەرمانە^٣