هەتا کەی عاشقی بێچارە چاوی هەر لە دەرگا بێ؟
بڵێ 'بەشکم وەدەر بێ ڕۆژی عاشق'، جا بڵێی وابێ؟ ^١

به سارد و گەرمی مەیلی یاری خۆم من ڕامبوارد عومرێ^٢
له لای من بایی پووڵێکه، چ سەرما بێ، چ گەرما بێ^٣

بەرامبەر شەمعی ڕووی دڵداری من، با پێت بڵێم چۆنە
کەسی عاشق دەبێ پیاوانه وەک پەروانه سووتابێ^٤

هەژار و دەربەدەر بۆ کۆیی دڵبەر سەر دەبا پێ بێ^٥
به سەر با بێمه دەرک‌وبانی وی، تا هێزی پێ مابێ

موهەییا نابێ بەزمی عارفان، پیری موغان فەرمووی
هەزار عاشق وەخڕبن، تاوەکوو ساقی نەیێ نابێ

بە نەزم و نەسری خۆم هەر ڕێزی لێ دەگرم هەتا دەمرم
لە پیری مەیکەدە، بەشکم بفەرمێ پیاڵەیێ با بێ^٦

'ئیمامی' ماڵ‌خراپ، چاوی لە دەستی ساقییە، تاکوو^٧
بە خۆی و پیاڵەکەی بێتە پەنام و ماڵی ئاوا بێ