غەرقم لە غەمی هیجری تۆ، بۆیە کز وماتم
زولفی وەکوو زنجیرته ئەسپابی نەجاتم

بیخه ملم و بمخه قەراغێ بە سەری خۆت!
ئەی سەروی بڵندقامەتی شیرین‌حەرەکاتم!

لەو ڕۆژەوه من کەوتمه نێو بەحری غەمی تۆ
ڕۆشن بووه لای ئەهلی وەفا عەهد و سوباتم

هەرچی له دڵتدایه بەبێ ترس و خەم و بیم
بیکه لەگەڵم، گیانه، به قوربانی وەفاتم

مەعلوومه که تۆ خاوەنی جوانیی و جەماڵی
هەرچەنده نییه ماچێ له لێوت به زەکاتم

وەک لەعلی بەدەخشانته گوڵ، خەنده سیفاتە^١
بۆیه وەکوو بولبول به هومێد و به تەماتم

'کامیل' که وەها غەرقه له گێژاوی غەمی تۆ
تۆ خوا بگره دەستی، عەزیزم، بە فیداتم!