یەکێ تەعریفی قانوونی پرسی
وتی: ئەیزانی ئەگەر نەترسی

وتم من ئێستا لە دونیادا نیم
بە خواردەمەنی و زەماوەند ئەژیم

قانوون بۆ بەزم و بۆ زەماوەنده‌
گۆرانی له‌سه‌ر "قانوون" په‌سنده‌

جاران ئه‌یانگووت " قانوون" ڕێبازە
بەو ئەندازەیە هەرگیز مەنازە

بۆ سلێمانیش قانوون نەبووە
قانوونی خوامان لا بەسەر چووە

هەندێ بە ئەحزاب خۆیان هەڵدەنێن
نوقتەی سەرەوەی لای ڕاست دائەنێن

ئێمە کە فێری شەڕە گەڕەکین
کە بووینە ئەحزاب کێ دەڵێ یەکین

هەندێ بە عیلم و خووی چاک ئەنازن
تا دەمرن حەسرەت بە نان و پیازن

وەکو ئاغاکەی دێی "سیامەنسوور"
مەدحێکی زۆریان کرد بە واتەی دوور

کە هاتە ئێرە منیش هەر وام دی
کەچی وەعدی دا زوو هێنایە دی

بەوە تێگەییم کە نابێ بە پیاو
چونکە بە درۆ" رجال" دێتە ناو^١