هەر کەس مەزەی دەرد عەشقش چەشتە بۆ
دیدەی دڵ وە هوون جگەر ڕەشتە بۆ
چەنی متاوۆ جەفای حەبیبان
شکایەت کەرۆ جە لای ڕەقیبان
یە بەستەی بوهتان وێشەن نە دڵدا
دەک ڕەقیب دڵت دەن وە سەر چڵدا!
واسڵ بی وە قەعر ناڵەکەی جەحیم!
نەدیەنت کەلام حەزرەتی حەکیم؟
فەرماوان: هذا بهتانٌ عَظیم
خاست کەرد ڕەقیب پاسەت کەرد چەنیم
تەئسیر دۆعای گرۆی مەڵاڵان
کزەی هەناسەی سوب جە حەق لاڵان
مایەی زیندەگیت بەرۆ وە تاڵان!
پەرێ نەجاتی جەرگەی بەد حاڵان