ئاڵەکۆک

بێسارانی add_a_photo
بێسارانی دیوانی بێسارانی
٥٢. دارای خەمانم
دارای خەمانم ...
سەرقەیتۇلەی خەم، دارای خەمانم

خەم بېیەن بە مار پەی ڕیشەی گېیانم
نېشی خەم شېیەن نە ئیستېخوانم

خەم ماڵ، خەم میرات، خەم جېهانمەن
خەم بەختی دەوڵەت جاویدانمەن

مەتای خەم دارۇن کاڵا سەد وېنە
سەرمایەم خەمەن، خەمم خەزېنە

پادشام خەمەن، خم بېساتمەن
جە بارگەی گەردۇن خەم خەڵاتمەن

سککەی خەمناکیم بە خەمناک کنیا
تەپڵی کۊسی خەم، خەمناکیم ژنیا
هێنانە سەر ڕێنووسی هۆرامی: ئاکۆ مارانی

پەراوێز edit