شاعیر: بێسارانی
کتێب: دیوانی بێسارانی
سەرناو: دارای خەمانم
سەبارەت: هێنانە سەر ڕێنووسی هۆرامی: ئاکۆ مارانی

دارای خەمانم... 
سەرقەیتۇلەی خەم، دارای خەمانم

خەم بېیەن بە مار پەی ڕیشەی گېیانم
نېشی خەم شېیەن نە ئیستېخوانم

خەم ماڵ، خەم میرات، خەم جېهانمەن
خەم بەختی دەوڵەت جاویدانمەن

مەتای خەم دارۇن کاڵا سەد وېنە
سەرمایەم خەمەن، خەمم خەزېنە

پادشام خەمەن، خم بېساتمەن
جە بارگەی گەردۇن خەم خەڵاتمەن

سککەی خەمناکیم بە خەمناک کنیا
تەپڵی کۊسی خەم، خەمناکیم ژنیا

++++++++++++++++++++++