ئاڵەکۆک

بێسارانی add_a_photo
بێسارانی دیوانی بێسارانی
١٨٥. پەل پەل خەزانان مەڕێزان وە خاک
پەل پەل خەزانان مەڕێزان وە خاک
مەکەران بە نێش پەردەی دڵ چاک چاک
دڵ جە زامی گاز پەردەی جەستەی وێش
قەترە قەترە هوون، جیا مەبۆ لێش
مەیۆ نە دەوران، دیدەی پڕ خومار
مەوارۆ ڕووی زەرد خەزانی خەمبار
هەر خەزان وەڵگێ زار مەڕێزییۆ
دڵ دەرۆش بە دین ئەو مەخێزییۆ
مەر پەرواز مەبۆ مەر سینەم بۆ چاک
نەبا چوون خەزان غەڵتان بۆ نە خاک
جە ئەزرەت ڕێزان بەرگان نە دەروون
ئەو ڕێزیای خاکەن، من غەڵتانی هوون

پەراوێز edit