ئاڵەکۆک

بێسارانی add_a_photo
بێسارانی دیوانی بێسارانی
١٥٨. میرزام نەو وەهار
میرزام نەو وەهار ...
هەنی نەیۆوە، ئیمساڵ نەو وەهار
وەنەوشە شێوان، نە چەم نگوون سار
بەرنەیان وەبەر سۆسەنان جە خار
گوڵان بەرنەیان نە سەوز و نە زەرد
خاتر خەمین بان، چەنی تۆز و گەرد
ژەرەژ نەوانۆ جە سەر نساران
شەماڵ نەشانۆ شەونم جە داران
نە دەنگی ساز بۆ، نە عەیشی بوڵبوڵ
نە ڕەنگی گوڵ بۆ، نە کارخانەی دڵ
سیوەیل بەرنەیۆ، ئەمساڵ نە یەمەن
ڕەنگ ڕەژ نەکەرۆ خەزان نە چەمەن
پەی چێش بی قیبلەم نمەدۆ دیار؟
بێزارم جە سەیر گوڵانی وەهار
مەولام بۆ ڕایێ بواچە تەدبیر
زیندەگیم شیەن نە بەندی زنجیر

پەراوێز edit