ئاڵەکۆک

بێسارانی add_a_photo
بێسارانی دیوانی بێسارانی
١٥٧. میرزام خێزانی
میرزام خێزانی...
بە کەمانەوە سەحەر خێزانی
ئوستادیش سەعد وەقاس بێزانی
پەڕ و باڵ بە تیر شەستش ڕێزانی
هەر تیرێ یەک جار سەد زامم کەردە
هەزاری چوون من، بەو زامە مەردە
جگەر هوون، جەستەش تەمام هووناوەن
هووناوش وە چەم جاگیری خاوەن
ناوکی نیان ئەوەند پێکانان
خەریک مەندەنان وە جای پەیکانان
دادگەریمانەن چوون نەزان حاڵان
جە زامی ناواک دڵبەر مەناڵان
هەنیچ تازە بوون، دڵ مەدیۆ پێشدا
پێکانی پەیکان، دڵ مەدۆ نێشدا
ئەر سەد جەی بەتەر وە گیانم زامەن
شیرینتەر جە گیان، شیرین جەلامەن

پەراوێز edit