ئاه ژدەستی وێ سرێ دل بمەیێ حەوالە کر
هەرچی لمن کری (مەلا) جامی مەیا دوسالە کر
شەنگێ بناز مەششها میسک و زەباد وەششها
روی ما دبن پیانە هێژ زێدە لمن دەلالە کر
چیچەک و گول سەحەرگەهان نەستەرەنێن دخەرگەهان
تێک ژمیسک و ماوەرێ ماهێ خوناڤ و ژالە کر
دیمی دبسک و خەمری یان تاوو لەفێن دشەتری یان
مانە تەمام کەسک و سۆر بەدرە لدۆری هالە کر
دۆر کرین ژسونبولان چیچەک و بشکوو گولان
دل مە ژرەنگێ بولبولان شبهەتی داغی لالە کر
پیری موغان ژشیشەیێ دامە سەفینەکێ مەیێ
شوکری خودێ کوقولزمەک من ژخۆرا قەبالە کر
(خضر)ی برەمزو موعجیزێ مەست مەدی ددینگزێ
هات پیالەیەک ددەست ئەشکەرە سەد پیالە کر
غونچە لەباژرەنگ گولێ دیمێ بسیڕنوما (مەلێ)
شوبهەتی بولبولان سەحەر لەومە فغان و نالە کر