ئەم سەرسەری بازانە کەوا هەمسەری بوومن
موشکیل، بگەنە ساعیدی شاهێکی وەکوو من
تا نەشئە نەچێژن لە لەبی کەوسەری ساقی،
بێچارە چوزانن کە هەموو مەستی زەقوومن؟ !
ڕووناکیی ڕوو شەوقە لە نێو زوڵمەتی موودا
وەجهی ئەمەتە دڵ هەموو پەروانەیی موومن
زوڵفم بە نەسەب سیلسیلەیی ڕیفعەت و شانە
من دەیخەمە بەر پێ کە حەبەش زادەیی ڕوومن
من سەروی ڕەوانی چەمەنی عالەمی باڵام
نالی بە توفەیلی بووەتە سایە لە دوو من