پەیامێک بۆ دەسەڵاتدارانی جیهان
بۆ ئیمپراتۆرییەتەکانی ھێز و بڕیاردەرانی جیهان
لە ناوەڕاستی دووکەڵی جەنگ و وێرانییەکانەوە، گۆشەیەک لە ڕاستییەکی بەئازار دەستنیشان دەکەین جەنگەکانتان تەنیا ململانێی سیاسی نین، بەڵکو پەلامارێکی دڕندانەن بۆ سەر جەستەی زەوی و ڕۆحی مرۆڤایەتی.
داواتان لێ دەکەین چەکەکانتان دابنێن و کۆتایی بەم زەبروزەنگە بهێنن. ڕێگە مەدەن تانکی شەڕ و بارووت زیاتر سنگی ئەم زەوییە ماندووە تێکبشکێنن. ڕاگرتنی جەنگ تەنیا داوایەکی سیاسی نییە، بەڵکو فەرمانێکی ئەخلاقی و بێپەڕوێنە بۆ رزگارکردنی سەرجەم ژیان.
ژینگە و سروشت بوونەتە قوربانی یەکەمی حەزە بێسنوورەکانتان بۆ دەسەڵات. ئاسمانی شینتان بە دووکەڵی ژەهراوی داپۆشیوە، سەرچاوەکانی ئاو و زەریاکانی جیهانتان ڕووبەڕووی وێرانکاری و پیسبوون کردۆتەوە. گۆی زەوی، کە ماڵی هاوبەشی هەموومانە، لە ژێر قورسی بڕیارە هەڵەکانتاندا ناڵەی دێت.
لەوەش ئازاردەرتر، بەهۆی بەرژەوەندییە کاتییەکانتانەوە، ملیۆنان مرۆڤی بێتاوان دەبنە قوربانی ژیانیان لێ دەسێندرێتەوە، لە نیشتمان و ماڵەکانیان دەردەکرێن و ڕووبەڕووی ئاوارەیی، سەرمابوردوویی و سەرگەردانی دەکرێنەوە. مرۆڤایەتی لە سایەی جەنگەکانتاندا ڕەنگ زەرد و بێپەنا بووە.
ژینگە تەنیا مرۆڤ نییە گیانداران، باڵندەکان و تەواوی دروستکراوەکانی تر مافی ژیانیان لەسەر ئەم زەوییە هەیە. تێکدانی هێلانەی باڵندەکان، کوشتنی بێبەزەییانەی بەچکەکانیان و قڕکردنی جۆرەکانی ژیان، برینێکی قووڵە لە سنگی هاوسەنگی سروشتدا.
کاتی ئەوە هاتووە ژیری و ویژدان بخەنە پێش هێزی سەربازی. زەوی پێویستی بە ئاشتی، سەوزی و ژیانەوە هەیە، نه ک بە وێرانی و چەکی کوشتار. ئاشتی تەنیا بژاردەیەک نییە، بەڵکو تاکە ڕێگەیە بۆ مانەوەی تەواوی بوون.
٢٠٢٦/٩/١٣
سەعید سەدیق / بەڵێن
بۆ ئیمپراتۆرییەتەکانی ھێز و بڕیاردەرانی جیهان
لە ناوەڕاستی دووکەڵی جەنگ و وێرانییەکانەوە، گۆشەیەک لە ڕاستییەکی بەئازار دەستنیشان دەکەین جەنگەکانتان تەنیا ململانێی سیاسی نین، بەڵکو پەلامارێکی دڕندانەن بۆ سەر جەستەی زەوی و ڕۆحی مرۆڤایەتی.
داواتان لێ دەکەین چەکەکانتان دابنێن و کۆتایی بەم زەبروزەنگە بهێنن. ڕێگە مەدەن تانکی شەڕ و بارووت زیاتر سنگی ئەم زەوییە ماندووە تێکبشکێنن. ڕاگرتنی جەنگ تەنیا داوایەکی سیاسی نییە، بەڵکو فەرمانێکی ئەخلاقی و بێپەڕوێنە بۆ رزگارکردنی سەرجەم ژیان.
ژینگە و سروشت بوونەتە قوربانی یەکەمی حەزە بێسنوورەکانتان بۆ دەسەڵات. ئاسمانی شینتان بە دووکەڵی ژەهراوی داپۆشیوە، سەرچاوەکانی ئاو و زەریاکانی جیهانتان ڕووبەڕووی وێرانکاری و پیسبوون کردۆتەوە. گۆی زەوی، کە ماڵی هاوبەشی هەموومانە، لە ژێر قورسی بڕیارە هەڵەکانتاندا ناڵەی دێت.
لەوەش ئازاردەرتر، بەهۆی بەرژەوەندییە کاتییەکانتانەوە، ملیۆنان مرۆڤی بێتاوان دەبنە قوربانی ژیانیان لێ دەسێندرێتەوە، لە نیشتمان و ماڵەکانیان دەردەکرێن و ڕووبەڕووی ئاوارەیی، سەرمابوردوویی و سەرگەردانی دەکرێنەوە. مرۆڤایەتی لە سایەی جەنگەکانتاندا ڕەنگ زەرد و بێپەنا بووە.
ژینگە تەنیا مرۆڤ نییە گیانداران، باڵندەکان و تەواوی دروستکراوەکانی تر مافی ژیانیان لەسەر ئەم زەوییە هەیە. تێکدانی هێلانەی باڵندەکان، کوشتنی بێبەزەییانەی بەچکەکانیان و قڕکردنی جۆرەکانی ژیان، برینێکی قووڵە لە سنگی هاوسەنگی سروشتدا.
کاتی ئەوە هاتووە ژیری و ویژدان بخەنە پێش هێزی سەربازی. زەوی پێویستی بە ئاشتی، سەوزی و ژیانەوە هەیە، نه ک بە وێرانی و چەکی کوشتار. ئاشتی تەنیا بژاردەیەک نییە، بەڵکو تاکە ڕێگەیە بۆ مانەوەی تەواوی بوون.
٢٠٢٦/٩/١٣
سەعید سەدیق / بەڵێن