مێژووی ئەم مرۆڤە چەندە درێژە؟
کاتی مردنیش، لە خاک بینێژە

لەو ڕۆژەی دێتە سەر گۆی ئەم زەویە
هەرچەند سەرکەوتوو بێ جێگەی لێژە؟

لەم ئاڵۆزیەدا من سەرم دەرناکەم
ژیر بێ لە ڕێی بیردا، دیسان گێژە

من هیچ لەم ڕاز و نهێنییە نەگەیشتم؟
لەم ژینە سەیرە و هەوراز و لێژە

کردەوەی تاری هێندە ناپەسەندە
داگیرساوی جەنگ، بکوژ و خوێنڕێژە

ئایا لە هەقیقەتی ئەم ژینە گەیشتووە؟
یا بە هەڵە هاتووە، ڕێی دوور و درێژە

تێکەڵ بە دنیای نەزانی و جەهلە
هەرچەن پێیدا بڵێی پڕ بووە مەیڕێژە؟

مرۆڤ بێئاگایە لە چەرخی زەمانە
مەرگ دێت و ژینی لێوا و لێو ڕێژە.