من گۆیژەم پاڵە پشتی سلێمانینم
لێم ناگەڕێن هەر جارەو لایەکم ئەبڕن
هەر جارەو بە جۆرێ بریندارم دەکەن
خۆ من بەرگریکارێکی بێوێنەی ئەو
شارەم بۆ وام لێدەکەن!
ئەی نازانن چەن ساڵە دوژمنان؟ !
کە هێرش دێنن لەبەر من پەیان
پێنابرێت دەستیان لەو شارە ناچێ
بەڵام ئەمڕۆ ئێوە بێ بەزەییانە
بێ باکانە و نامەردانە
کەوتونەتە دامێنی ئەو چیایە و
بە داتاشین بە سوتان
لە هەموو لایە دەستان
خستۆتە قوڕ قوڕاگەیی و
لەم دیو لەو دیو دایدەپاچن
لە بنی دێن و نایهێڵن
ئەی نازانن کە سلێمانی
بەو گۆیژە و قەد پاڵەوە
جوانە هەیە و دەمێنێ!
بەڵام بێ بەزەیانە
ناحەزان دایدەبڕن و
خەریکە فڕی بە سەر
سلێمانیەوە نامێنێ.