گەر دەتەوێ بژی بە سەربەرزانە
حەماڵی بکە بەڵام مەردانە

نەک بەسەرشۆڕی بژی و بمێنی
بۆ نان لە بازاڕ ڕاخەی جامانە

شکۆ بۆ مرۆڤ تاج و ڕووسوورییە
پەت کە بپچڕێ وێڵە زەنگیانە

دنیا نایهێنێ کز و داما و بی
گەڵای زەردیش نیشانەی خەزانە

نان بۆ نانەوا گۆشت بۆ قەساب بێ
دووگیش شایانی خوانی شاهانە

مەڕی نێر کڕاوە بۆ سەربڕینێ
نان ئەو نانەیە ئێستا لە خوانە

تاکوو زیندووی بەسەربەستی بژی
خانەخوێ خۆیەتی لە جێی میوانە