سڵاو لەو خاکە، لەو دەشت و کێوە
لە شارباژێڕی ڕازاوە ئەو خاکە لێوە
لەسەر هێڵەکانی پانی و درێژی
مێژووی شکۆیە و بۆمان ئەبێژی
سی و پێنج کیلۆمەتر لای سلێمانی
دوورە و سەرکەشە با ئەوەش بزانی

سڵاو لە سیتەک، مەنزڵی دڵان
لە ئاڵەسیاو و ئەحماوای جوان
بازەگیر و بزەینیان و تەگەران
چنگیان و دۆڵەتوو، مێرگی ڕاوکەران
سیرەمێرگ و شەستێنە و عازەبانی بەر
کانی سارد و گەڕەدێ، پڕن لە سەفەر
گوندەکەی نۆدێ سیتەک شارباژێر
شاعیرێ لەوێ پێ و قەدەم بەخێر
ناو سەید حسێن هاراتی زادە
شاعیرێ بەرزی ناو گەلی کوردە
چرای شەوانە و هیوایە بۆ بەش
گوندی ڕەسەنی وەکو مارەڕەش
لەوێوە بڕۆ بۆ هەباسە گوڵە
بۆنی گوڵجاڕی لای لوتکە و چڵە
ئەوە گاپیڵۆنیش، چاو پڕ لە جوانی
کاتێ دەیبینی سێبەری لای ئێوارانی
هەوارگەی شێخان و دۆڵی پڕ لە مێشک
سڵا و لە چوار گوندی ناوی دۆڵبێشک
بڕۆ بۆ زەلان، لای ئاڵەک و بیانە
بەوزان و پاڕەزان خاکی شێخانە
پڵنگە و توانا و چنارەی شێخ لەتیف
بۆ میواندۆستی، هەمیشە شەریف
هەتا گاپیڵۆن، لای باڵخ و بایزاوا
کونەماسی جوان، بە ئاوی پاراوا
گۆمەسارد و مالومە قەڵای ئازایین
بۆ شارباژێڕی مە، جێی دڵئارایین
زۆر خۆشن گوندی مێوڵاکەو سنگر
کە بەهار داهات دەچن بۆ کەنگر

چوارتا ناوەندە و دڵی دەڤەرە
بۆ نیشتیمانم ئەو تاجی سەرە
لە ئاژگە و ئەستێرک باخی ئاشی جوان
بناویلە و بەیانان، دێنە بەر چاوان
بزورگی و بێتوات تازەدێ و جوبرەئیل
چنارە و خمانێ، خاکی بێ جەدیل
لە خێوەتە بگرە تا دڕەڵەی حاجی
بۆ سەربەرزی کورد، دەبن بە تاجی
دێگەڵ و سامان و ساڵانانی ڕیز
سنجەڵێ و سنکێ دوو گوندی ئازیز
شەمساواو سەرسیر قەڵاچوالانی دێرین
قشڵاغ و قوتابیان، پڕن لە نەسرین
لە کەناروێ و کیسەڵاوا تا گەنکێ
دڵ بۆ گردەزبێر و مێکۆکان تەنگێ
واژە و وەڕازیش کۆتایی باسە
بۆ دڵی چوارتا دوایین هەناسە

سیوەیل و باسنێ، دەشتێکی بەرین
حەفتا و دوو گوندن هەموو گوڵورین
ئاشقەدۆڵ و ئاشی بارام و ئاوەزێ
ناویان لە دەفتەری مێژوو ناگەزێ
بارێی گەورە و بچووک بۆسکان و بێورێ
فێنکیی باکوریان لە دڵ دەگەڕێ
بوالک و بوترەکێن پیرێسک و پیرمەند
تیمار و توتکان، هەمیشە سەربەند
لە تەم تەم و جافری و چۆمانی جەوان
تا چەمەکان و دڕوێ و زاخێی سەرشاخان
دێری و ڕەشەکانی و زیکان و سماق
سووڕەدزێ و سیرین بێ گرێ و نیشاق
قۆخەکان زۆرن، بابەشێخ و نۆڕک
خاکیان بە پیتە نەک وەک خاکی شۆڕک
گۆماوان و گۆمڵێ و مەروێ و مڕانێ
با باسی جوانیی نەڵەسو بزانێ

ئێستا ڕوو بکەینە ماوەتی سەربەرز
دوو هەزار و نۆ هەژاندی عەرز
لەو ساڵەوە لە ناحیەوە بووە بەقەزا
تێیدا هەڵکەوتووە کوڕی بەجەرگو ئازا
دیمەنی گوندەکانی جوانی سەر ئەرز
پڕ پڕن لە چیا و لە لوتکەی بەرز
لە ئامادین و ئاقوچان، خاکی بێگەرد
تا بەرسماق و بڵخوان و بەرد بەرد
بەرگورد و بەزەڕو و بنچڕ و خەزێنە
بۆ گەشتیارانی، وەک باغی بێ وێنە
دارەبەن و دەشتی خانێ و دزگان
بۆ کوردایەتی هەمیشە هیوای گیان
زەرون و ژاژڵە و سەرگەڵو و سەفرە
خاکیان پیرۆزە و پڕ پڕ لە بەھرە
قامیش و قەشان کانی بێوکە و بێ
هەرگیز لە یادی کوردان ناچنە دەرێ
گەڵاڵە و گوڵێ گوێزڵێ و گۆڕێن
بۆ نیشتیمانی مە هەمیشە چراوێن
گوندی گوێزەڕەش لەگەڵ شانەخسێ
ئەوەندە جوانن چاو لێیان تێر نابێ!
گوندی گەورە دێ هەم کوڕاداوێ
سەرنج ڕاکێشن لەگەڵ گوندی بێرێ
گوندی هەڵەدن گوندەکەی کونجرین
دیمەنیان جوانە شیرنە تێیدا بژین
گوندی تریش هەن ناومان نەهێنان
دەبێ بمان بورن نەهاتنە سەر زبان

لە کۆتاییدا بۆ سروچک و بەرزنجە
کە بۆ شارەزوور، وەک باڵ و پەنجە
لە گێڵدەرەو مایەوا تاوەکو مۆریاس
خاکێکن پیرۆز، شایستەی سپاس
ئەی شارباژێڕی مەڵبەندی پیاوان
ناوت زۆر بەرزە وەک لووتکەی شاخان
بە هیوام شارباژێڕ هەر ئاوەدان بێ
هەتا هەتایە هەر لە برەودا بێ.