لە ڕۆژمێری مندا
تەنیا یەک وەرز هەیە ئەویش تۆ
تەنیا یەک ڕێکەوت هەیە ئەویش ئێستا

پێویستم بە سوورکاو و گوڵی دەستکرد نییە
کاتێک زەردەخەنەی تۆ
هەموو تەمەنم دەکات بە باخچە

ئەمڕۆ...
نە باسی مێژووی قەشەکان دەکەم
نە باسی ئەفسانەی ڕۆمەکان

من تەنیا باسی ئەو ئایینە دەکەم
کە لە نیگای تۆدا سەری هەڵدا و
بووم بە یەکەم باوەڕداری
خۆشەویستم..

ڤاڵانتاین تەنیا سوور پۆشین نییە
ئەوەیە کە لە قەرەباڵغترین شەقامدا
تەنیا بۆنی 'تۆ' بناسمەوە

ئەوەیە کە لە ناو هەزاران دەنگدا
لەرەی دەنگی تۆ ببێتە مۆسیقای ژیانم

تۆ بمێنەرەوە...
با مێژوونووسەکان بنووسن
لەو ساڵەدا کە دونیا پڕ بوو لە جەنگ

دوو مرۆڤ هەبوون
بە ماچێک...
هەموو چەکەکانیان کرد بە پەڕەی گوڵ